2023-02-13 07:24:14
Дар Истаравшан як мард ба ҳамсараш ва бародари 8-солааш чанд корд задааст
Дар шимоли Тоҷикистон алайҳи як сокини 23-солаи шаҳри Истаравшан, ки дар захмӣ кардани ҳамсараш ва бародари ноболиғаш гумонбар дониста мешавад, парвандаи ҷиноӣ боз шудааст, хабар медиҳад маркази матбуотии ВКД ҶТ.
Гуфта мешавад, ки гумонбаршуда рӯзи 9-уми феврал тахминан соати 23:00 ба хонаи волидайни ҳамсараш, ҷавонзани 19-солаи сокини шаҳри мазкур даромадааст.
Ҳангоме ки ҳамсараш хоб будааст, бо корд 3-4 маротиба ба аъзои бадани ӯ ва 1 маротиба ба бадани додарарӯсаш ноболиғи 8-сола, ки дар паҳлӯи ҳамсараш хоб буд, задааст.
Тавре дар хабар омадааст, мард аз ҳиссиёти рашк ба ин амали бераҳмона даст задаст.
Оид ба ин ҳодиса тафтишот идома дорад.
Манбаъ: asiaplus
Подписаться
@Hodisa1
6.8K viewsedited 04:24