2022-07-05 00:27:33
DARD.....
Universitetlardan birida dars beradigan ustozlardan biri doimo ayollar soatini taqar edi. Talabalar turli majlislarda o‘zaro uni har-xil ilmoqli so‘zlar bilan masxara qilishar edi. Oxiri ulardan biri so‘rashga jur’at qildi:
- Ustoz! Nega ayollar soatini taqasiz?
Ustoz dedi:
- Bu soat vafot etgan qizimning soati!
Har-birimizning og‘rig‘imiz bor. Agar uni insonlarga oshkor qilganimizda ular yig‘lagan bo‘lishar edi. Ammo biz ichimizga yutamiz, sabr qilamiz. Chunki insonlarning sizga shafqat nigohi bilan boqishlari undan ham og‘riqli.
Bu hayot shafqatsiz kurashdan iboratdir. Har qanaqangi tabassumli yuz ortida u insonlardan yashirib yuradigan katta g‘ussa bo‘ladi.
Ko‘pgina kulgilar ortida ko‘z yoshlari bo‘ladi. Agar uning ko‘zyoshlarini ko‘rganingda: "Ko‘z yoshlari qurib qolar darajada yig‘lagan bu inson qanday qilib kulib yurgan ekan-a", deb hayratda qolgan bo‘lar eding.
Insonlar toqqa o‘xshashadi. Salobatda emas, ko‘pgina qismi yashirinligida. Aytishlaricha, tog‘larning to‘rtdan uch qismi yer ostida bo‘lar ekan. Biz insonlarning ham oshkor qilganimizdan yashirganlarimiz ko‘proq. Kasalliklar biz yeydigan narsa emas, bizni yeydigan narsadir!
Qanchalik inkor qilmasin, har-bir insonda og‘riq bor. Qanchalar yashirmasin, har-bir qalbda g‘am-g‘ussa bor. Tashqi ko‘rinishlar seni aldamasin.
Kishilarning sokin va muvozanatda turganini ko‘rib hasading kelmasin. Gohida ular qalbida faqatgina Alloh biladigan olov bo‘ladi.
Tutun chiqmagani uning yonmayotganini anglatmaydi. Osiy inson gunohidan mazza qilayotgani yo‘q. Itoatkor inson osonlikcha sobit turgani yo‘q.
Suyukli insonini yo‘qotishdan qo‘rqib uni tishlari bilan qattiq tishlab olgan kishi rohatda emas. Yaqinini yo‘qotib qo‘yib qalbida yoriq paydo bo‘lgan kishi rohatda emas.
Kunlardan bir kun shifokorning huzuriga bir kishi kirdi. U jismidagi og‘riq va ruhidagi o‘chiqlikdan shikoyat qildi. Uzoq tekshiruvdan so‘ng ayon bo‘ldiki, uning tanasida hech qanday dard yo‘q ekan. Dard uning ruhida ekan. Shifokor unga dedi:
- Sizning muammoyingiz ruhiydir. Siz ko‘proq dam oling. Kitob o‘qing, safar qiling, yangi do‘stlar orttiring. Sizga bir maslahatim bor. Shahrimizda bir masxaraboz bor. Ismi Karlina. U insonlarni kuldiraverib dardlarini unuttirib yuboradi. Uning tomoshalariga borishni tavsiya qilaman sizga!
Shunda bemor yig‘lab turib dedi:
- Doktor! O‘sha masxaraboz Karlina menman!
Abdulqodir Polvonov.
Qalblardan ezgulik izlagan qalblar uchun ...
••┄┄┄❅┄┄┄•••
@Aziz_Muzaffarovv
10 viewsSardor, 21:27