Ovqatlanayotganda yaxshi kayfiyatda bo‘ling, yolg‘iz ovqatlanmang.
Suvni birdan simirmay, ho‘plab-ho‘plab iching. Aks holda jigar xastaligini keltirib chiqaradi.
Agar sut ichsangiz, suv bilan og‘zingizni chaying, chunki unda yog‘ bor.
Nonni e’zozlang, chunki u yer va osmon barokatidandir. Kim dasturxonga to‘kilgan ushoqni yesa, Alloh uning gunohini kechiradi.
Behi yeyish yurak xastaligini ketkazadi.
Ukrop iste’mol qilish qulanj (yo‘g‘on ichak kasalligi)ning oldini oladi. Sigirning suti shifo, yog‘i davodir.
Sigir sutini ko‘proq iste’mol qilinglar. Chunki u turli dorivor giyohlarni yeydi.
Iste’molda sut mahsulotlari bilan baliqni aralashtirmang.
Hadisi shariflarning birida: “Sut ichib turib, baliq yemang”, deganlar.
Chunki ular qo‘shilsa, qonni buzishi mumkin.
Asal yeb turing, chunki u ming dardga davodir. Har oyda bir kun ro‘za tutingki, toki vujudingiz dam olsin.
Ovqatdan so‘ng duo o‘qib, shukr qiling.
Abu Dovud Nabiy sollallohu alayhi vasallam sahobalarining biridan rivoyat qiladi:
«Rasululloh sollallohu alayhi vasallam: «Qayt qilganning ham, ehtilom bo‘lganning ham, xijoma qildirganning (qon oldirganning) ham ro‘zasi ochilmaydi», dedilar».
H
