“One Million Uzbek Coders” bitiruvchilari uchun foizsiz kredit | FN's Substack

“One Million Uzbek Coders” bitiruvchilari uchun foizsiz kredit
Eslatib o‘tamiz, “One Million Uzbek Coders” onlayn kurslari bitiruvchilariga kompyuter texnikasi sotib olish uchun kreditlar berish davom etmoqda.
Iste'mol krediti bazaviy hisoblash miqdorining 25 baravari miqdorida 2 yilgacha muddatga beriladi. “Aloqabank”, “Mikrokreditbank” va “Xalq bank” banklarida bazaviy hisoblash miqdorining 25 barobari miqdorida foizsiz kredit olish mumkin.
Eslatib o‘tamiz, uskuna uchun asosiy qarzni qarz oluvchining o‘zi to‘laydi, foizlar esa Yoshlar ishlari agentligi tomonidan qoplanadi.
Kredit qay tarzda olinadi?
1. Muddati ikki oydan ko‘p bo‘lmagan “One Million Uzbek Coders” kurslarini tamomlaganlik haqidagi sertifikatga ega bo‘lish;
2. Davlat xizmatlari markaziga onlayn ariza yuborish https://my.gov.uz/ru/service/523  ;
3. Taqdim etilgan ma’lumotlar tasdiqlangandan so‘ng (taxminan 3 ish kuni davomida), Yoshlar ishlari agentligi tomonidan asbob-uskunalar sotib olish uchun kredit bo‘yicha foiz stavkasi kompensatsiyasi to‘g‘risida ma’lumotnoma yuboriladi;
4. Siz tanlagan bank kredit berish masalasini 15-30 kun ichida ko‘rib chiqadi;
5. Yoshlar ishlari agentligi har oyning 25-kuniga qadar foiz stavkalarini tijorat bankiga o‘tkazib beradi.
Davlat xizmatlari markazida hujjat topshirish tartibi haqidagi videolavhani quyidagi havola orqali tomosha qilishingiz mumkin: 


Muhim:
Ariza topshirish vaqtida One Million Uzbek Coders sertifikati ko‘pi bilan ikki oylik bo‘lishi kerak. Ya'ni, agar siz shu oyda kredit olmoqchi bo'lsangiz, sertifikatingiz 2022-yil fevral yoki mart oyida berilgan bo'lishi kerak.
Eslatib oʻtamiz, “One Million Uzbek Coders” – bu IT Parkning taʼlim loyihasi boʻlib, u mobil texnologiyalarni ishlab chiqish, maʼlumotlarni tahlil qilish, frontend va fullstack dasturlash kabi yoʻnalishlarda bepul IT kurslarini taqdim etishga qaratilgan. Ushbu platforma BAAda One Million Arab Coders loyihasini muvaffaqiyatli amalga oshirgan Dubai Future Foundation bilan hamkorlikda ishlab chiqildi.
Har bir onlayn kurs yakunida ishtirokchilarga sertifikatlar taqdim etiladi.
“One Million Uzbek Coders” kurslariga ro‘yxatdan o‘tish uchun: https://uzbekcoders.uz