2024-05-14 17:18:01
Қозоғистон учувчисиз учоқлар ишлаб чиқариш учун Жанубий Корея технологиясига умид қилмоқда – Orda.kz
Бу Қозоғистонни Марказий Осиёда дронларни ишлаб чиқариш бўйича етакчи бўлишида ёрдам беради. Бу ҳақда саноат ва қурилиш вазири ўринбосари Азамат Бейспеков The Korea Herald нашрига берган интервьюсида маълум қилди.
The Korea Herald нашрининг ёзишича, вазир ўринбосари Қозоғистонда нефть-газ саноати, қишлоқ хўжалиги ва йўл ҳаракати хавфсизлигини ривожлантиришда дронларнинг муҳим ролини қайд этган. Азамат Бейспековнинг сўзларига кўра, Қозоғистон ўзининг дрон ишлаб чиқариш технологиялари билан машҳур бўлган Жанубий Корея фойдасига стратегик танлов қилмоқда. Бундан ташқари, ҳамкорлик корейс дронларини одатий харид қилиш билан чекланиб қолмайди – гап кенг тажриба ва малака алмашиш ҳақида кетмоқда.
“Саноат мутахассисларининг фикрича, Қозоғистоннинг улкан ҳудуди унга турли соҳаларда, жумладан, ўрмон хўжалиги, қишлоқ хўжалиги, энергетика, қутқарув, хариталаш ва мудофаа соҳаларида дронлардан фойдаланиш марказига айланиш имкониятини беради. Корея билан мустаҳкам савдо алоқалари Қозоғистонни жозибадор бозорга айлантиради”, – деб қайт этган The Korea Herald
Марказий Осиёда Кореянинг дрон технологиясига талаб ортиб бормоқда. Шу боис Жанубий Корея компаниялари истиқболли бозорларга чиқиш имкониятларини изламоқда. Қозоғистон бунга тайёргарлик кўрмоқда, бунинг учун мутахассислар тайёрлаш дастурлари ва дронлардан фойдаланишни тартибга солувчи ҳуқуқий меъёрий ҳужжатлар ишлаб чиқилмоқда.
“Биз фақат ўз хавфсизлигимиз ва ўзимизни ҳимоя қилиш учун (ҳарбий дронларни) ишлаб чиқармоқчимиз. Биз
дронлардан ҳарбий мақсадларда эмас, фақат тинч мақсадларда фойдаланишимиз керак”, – дея қўшимча қилган Азамат Бейспеков
@GeoPolitico
10.0K views14:18