N🦧

2022-12-31 18:10:23 Кўп одамлар Чарлз Дарвин назариясини инкор қилади, бу табиий ҳол. Лекин, бугун кўчада айлансам қисман тўғри шекилли деб ўйладим. Қолган мевалар ҳам бор. Фақат банан олўрмелар)

@fikrlashsanati Ochish/sharhlash

2022-12-31 11:56:20 2022—Сарҳисоб

7 ой ичида эришилган натижалар, ёмонмас :)

@fikrlashsanati Ochish/sharhlash

2022-12-30 09:47:40 Жосус мушуклар

"Акустик Мушукча" — Совуқ уруш йилларида Америка Марказиш разведка бошқармаси (CIA) томонидан ишланган лойиҳа.

Лойиҳанинг мақсади жарроҳлик йўли билан мушукларнинг танасига микрофон, узатгич, батарея ва думига антена жойлаштириб, мушукларни Совет Иттифоқига қарши жосус сифатида фойдаланиш эди. Лойиҳа буджетининг 15 миллион доллардан ортиқлиги айтилган.

Лойиҳанинг муваффақиятсиз якунланишига илк намунанинг Вашинтондаги Висконсин авенюсида икки одамнинг суҳбатини тинглаб бўлганидан кейин мушукнинг такси тагида қолиб, ҳалок бўлиши сабаб бўлган.

@fikrlashsanati Ochish/sharhlash

2022-12-29 19:44:35 #longread

Биргина Apple компаниясининг йиллик фойдаси бутун Ўзбекистоннинг ЯИМидан катта. Ёки WhatsApp дастури сотилишидан тушган фойда ўзбекларнинг 18 йил пахта экиб, териб, сотиб келтирган даромадидан катта. 

"Нега улар бундай фойдага эришмоқда?", "Биз ҳам шу соҳани ривожлантириб, уларга рақобат қилолмаймизми?".

Батафсил — https://telegra.ph/Biz-nanotehnologiyalar-davriga-tajyormizmi-12-29

@fikrlashsanati Ochish/sharhlash

2022-12-28 11:30:57 #биласизми

Миямиз кичраймоқда

Инсон мияси 20 000 йиллик тарихи давомида доимий равишда кичрайиб бормоқда. Ушбу кичрайиш бош суягининг икки миллион йиллик катталашиши жараёнидан кейин бошланган. Бунинг устига ушбу вазият, жинсият ва ирқлар тафовутига қарамай дунёнинг бутун аҳолиси учун мутлақо ўзгармасдир.

Висконсин университетидан антрополог Доктор Жон Ҳоукс, сўнгги 20 000 йил ичида эркак мияси ҳажмининг 1 500 сантиметркубдан 1 350 сантимутркубга кичрайгани ва бу йўқотишнинг тахминан теннис тўпи катталигида эканлигини таъкидлади. Тадқиқотчи бу кичрайишнинг зеҳнда ҳеч қандай ортга қайтишга сабаб бўлмаслигини ҳам қўшимча қилди.

Миянинг нима сабабдан кийрайиб кетаётгани ҳақида бир қанча назариялар мавжуд. Шулардан бири катта ҳажмли миянинг Устки палеолитик даврда ҳаётда қола билиш учун керакли бўлган совуқ ташқи муҳитдаги фаолликлар учун ҳаётий аҳамиятга эга бўлгани ва кейинроқ бунга эҳтиёж қолмаганлигини илгари суради. Бошқаси эса қуён, кийик, тулки ва отлар билан овқат рақобатига киришган инсоннинг доимий равишда чайнаши орқали бош суягининг катталашгани ва осонроқ егуликларга ўтгач бу эҳтиёжнинг ўртадан йўқолганини иддао қилади.

Баъзи мутаххасислар эса, туғруқ пайтида кўп сондаги чақалоқлар ўлими кузатилган давр топилгани ва бу даврда фақатгина кучли катта бош суягига эга чақалоқларнинг ҳаётда қолганини таъкидлайди. Вақт ўтиши билан чақалоқлар туғилишидаги ўлим сони камайиши баробарида кичик бош суягига эга чақалоқлар ҳам ҳаётда қола билган. Шу йўл билан кичик бош суягига эга одамлар кўпайиб борган.

Доктор Ҳоукс, мия танадаги энергиянинг 20 фоизини сарфлаши ва энергия миқдори сарфини камайтириш учун миянинг кичрайишга ўтгани, лекин бунинг зеҳнда ортга кетиш ўрнига, аксинча, ижобий таъсир кўрсатганини илгари сурмоқда.

@burchakostida Ochish/sharhlash

2022-12-28 09:10:51 Ўзбекистонда инновация ва илм-фан учун 1,5 триллион сўм ажратилди

Шу тариқа Ўзбекистон Глобал инновациялар индексида 36 поғонага кўтарилиб, 81-ўринни эгаллади.

2018 йилда ёш олимлар сони 6,5 минг нафарни ташкил этган бўлса, 2022 йилга келиб уларнинг сони 10,8 минг нафарга етди. Олимлар иш ҳақи эса 4,5 баробарга оширилди.

Кейинги беш йилда кимё, биология, геология, физика, математика каби йўналишларни ривожлантиришга катта эътибор қаратилмоқда. Шу туфайли, нано ва биотехнологиялар, рақамли геология каби 18 та янги илмий йўналиш яратилди.

Бюджут ажратиш, янги йўналишлар яратиш билан иш битмайди. Натижани кутамиз)

@fikrlashsanati Ochish/sharhlash

2022-12-27 12:17:09 Дунёнинг географик маркази қаер? Жавоб: Туркия @fikrlashsanati Ochish/sharhlash

2022-12-27 12:07:35 Дунёнинг географик маркази қаер?

Жавоб:
Туркия

@fikrlashsanati Ochish/sharhlash

2022-12-27 06:08:02 Нега доимий ёмон хабарларни кузатамиз?

Ҳаммамиз ҳам нималар бўлаётганини ижтимоий тармоқлардан билиб боришга ҳаракат қиламиз. Шу аснода бош бармоғимиз узлуксиз юқори ва пастга ҳаракатланади. Ўқиганларимиз туфайли баъзан юрак уришимиз тезлашгани ва асабларимиз бузилганини ҳис қилсак ҳам ҳудди кимдир бизни мажбурлаётгандек давом этамиз. Фан тилида бу ҳолатга "Doomscrolling", яъни Фалокат айланмаси дейилади.

Ҳаммамиз кун тартибидан қатъи назар, яхши хабарлардан кўра кўпроқ ёмон хабарларга эътиборлироқ бўламиз. Бунинг психологиямизга салбий таъсир кўрсатиши ҳам муқаррардир. Фалокат айланмаси билан боғлиқ ўтказилган баъзи тадқиқотларда, тонгда уч дақиқа салбий хабар ўқиганларнинг, 6-8 соатдан кейин ёмон кун ўтказганликларини билдириш эхтимоли 27% кўпроқ эканлиги аниқланди. Нисбатан, ижобий хабарларни ўқиган гуруҳ эса 88% миқдорда яхши кун кечирганлигини билдирди.

2013 йилдаги Бостон Марафони Бомбардимонидан кейин ўтказилган тадқиқотда таҳминан 4 500 АҚШликнинг хабарлар истеъмоли кузатилди. Тадқиқот сўнггида, олти соатдан кўпроқ хабар ўқиганларнинг хабарларни кам ўқиганларга нисбатан кескин стрессга тушиш эхтимоллиги тўққиз бараварга кўпроқ эканлиги маълум қилинди.

Қўшимча равишда, ёмон хабарлар истеъмоли кўп миқдорда ташвиш, депрессия, стресс ва травмадан кейинги стресс бузилиши каби симптомларга олиб келиши мумкин. Мутахассислар Фалокат айланмаси уйқу тартибининг бузилиши, диққатнинг бўлиниши ва ортиқча овқатланишга сабаб бўлишини ҳам таъкидлаган.

Ҳозирги кунда хабарлардан қочиш имконсиздир. Хабарлар бизга атрофда қандай воқеа ва ҳодисалар бўлаётгани ҳақида аниқ маълумот беради. Бироқ меъёрдан ортиғи стрессни чақириб, ўзимизни ёмон ҳис қилишимизга сабаб бўлади. Шу сабабли, психологлар кунни асосий қисмини салбий хабарлар билан ўтказмаслик ва салбий хабарлар истеъмолини чегаралашни маслахат беради.

@fikrlashsanati Ochish/sharhlash

2022-12-26 15:10:11 Борлиқнинг оҳири борми?

Келажак қандай тусда бўлиши бизга қоронғу, ҳеч ким аниқ нима бўлишини айтиб беролмайди. Лекин, тиниб-тинчимаган олимлар шуни ҳам ҳисоб-китоб қилиб чиқишибди ва мана бу видеода шу ҳақда кўришингиз мумкин.

Ярим соатли видеони қандай тугатиб қўйганимни сезмай ҳам қолдим, қизиққанимдан, ҳар лаҳзасини ҳаяжон билан томоша қилдим. Видеодаги ўлчам ва рақамларни кўриб ўзимни қанчалар аҳамиятсиз бир заррача эканимни бир неча бор англадим. Рақамларни кўриб кўзим чиқиб кетай деди.

Филмдан иқтибослар:

"Бир кун келиб ҳаммаси ўлади ва коинот абадий қоронғулик қарига кўмилади... "

"Билганингиздек, ҳаёт - борлиқнинг бошланишидан то сўнгги қора туйнукнинг буғланишига қадар бўлган вақтнинг атиги 0.0000000000000000000000000000000000000000000000000000000000000000000000000000000001% ини ташкил этади."

"Олимлар қора туйнукларнинг абадий деб ўйлашарди, лекин улар ҳам ниҳояда ўлим топади."

"Ҳар нарсанинг бир мўжизаси бор, қоронғуликнинг ва сукунатнинг ҳам... Ва мен, қандай ҳолатда бўлишимдан қатъий назар хурсанд бўлишни ўргандим."
- Ҳелен Келлер


Видеони кўриш —




@fikrlashsanati Ochish/sharhlash