2023-06-19 21:06:25
اكتشفت وبعد فترة طويلة ان ماكو داعي تفسر لأحد اي شي يخص حياتك ولا اي تصرف يخصك الا اذا كان هل تصرف اتجاهة، ماكو داعي تبرر وماكو داعي تفكر هم شنو راح ياخذون انطباع، الي يريد يشوفك زين حيشوفك وانت اسوء واحد بالدنيا والعكس كذلك، لا تنطي للموقف اكبر من اهميته ولا تنطي للانسان اكبر من حجمة.
2023-06-18 22:29:13يابه اكو ناس خلصوا امتحاناات عطلة سعييدة و مليانة احداث حلوة و انجازات صغيرة و مسرات تملي روحكم خلي روحكم ترتاح بعد كل تعب هالايام و الامتحانات و السهر و القلق ، ترتاح بعيداً عن كل الافكار اللي تتعلق بالامتحانات اللي فاتت و اجه وقت الاشياء اللي چان بخاطركم انُ تسووها بالفترة اللي فاتت ، بس ما گدرتوا بسبب ضيق الوقت ، هسه الفرصة موجودة لحتى تسووها مثل ما تحبون و تريدون و ايي ، اتمنالكم كل الخير و التوفيق بأيامكم اللي جاية
2023-06-18 00:56:49أحب اللحظات اللي تكون قبل نومي ، هيچ تكون هادئة ، الهدوء اللي تحبه روحي و ابقى افكر بأشياء او اتذكر اشياء و هيچ ارجع ابتسم عليهم و مرات اكتب شويونة عن الاشياء اللي تمر ببالي و احس انُ حابه اكتبها بالدفتر اللي احسه صار صديقي على گد ما چان وياي و كتبت بي بهواي فترات حلوة و فترات صعبة و اي ، بعد هالاشياء و الحبشكلات انام و نعيش عيشة سعيدة