ФУҚАРОЛИК ПАСПОРТИДАН ҒАРАЗЛИ МАҚСАДДА ФОЙДАЛАНГАН ШАХС ЖАВОБГ | "Farg‘onaazot" AJ yoshlari

ФУҚАРОЛИК ПАСПОРТИДАН ҒАРАЗЛИ МАҚСАДДА ФОЙДАЛАНГАН ШАХС ЖАВОБГАРЛИККА ТОРТИЛАДИ !

Маъмурий жавобгарлик тўғрисидаги кодекснинг 223 прим 1-моддасига кўра, шахслар томонидан йўқолганлиги тўғрисида ариза берилган ўз паспортларидан ёки идентификацияловчи ID-карталаридан, шунингдек бошқа шахсларга тегишли бўлган паспортлардан ёки идентификацияловчи ID-карталардан ғаразли мақсадларда фойдаланиш, — базавий ҳисоблаш миқдорининг ўн баравари (3 300 000 сўм) миқдорида жарима солишга сабаб бўлади.

Яъни, Сиз ўзингизни йўқолмаган паспортингизни йўқолди деб янгисини олиш учун ариза берсангиз, аслида эса ўша хужжатингиздан бошқа мақсадда фойдалансангиз (Масалан, қаердандир нимадир олиб ўрнига паспортингизни "залокка" ташлаб келган бўлсангиз ёки фирибгарлик ғоянгиз учун Сизга битта паспорт камлик қилса) ё бўлмаса бошқа шахснинг паспорт ёки ID-карталаридан ўзингизни ғаразли манфаатингиз йўлида фойдалансангиз юқоридаги жавобгарликка тортиласиз. Бўлганда хам бу 3,3 миллион сўмлик жарима айнан паспорт ёки ID-карталардан ғаразли мақсадда фойдаланганингиз учун холос. Сизни ғаразингиз оқибатида давлатга ёки бошқа шахсларга етказилган зарар бўйича Сиз алоҳида жавобгар бўласиз.

Савол юбориш
@yuristdan_javob_bot

Каналга уланиш
https://t.me/Yurist_Blogerr