UFC Uzbekistan

2024-01-17 13:51:50 Ғалати жанг, лекин қизиқарли

Дэна Уайт UFC 300 турнирида яна бир беллашувни эълон қилди. Енгил вазнда чемпионликка асосий даъвогар Жастин Гейтжи 13 апрель куни ярим енгил тоифа юлдузи Макс Холлоуэй билан тўқнаш келади. Енгил вазнда бўлади, Макс юқорига кўтарилади. Нега?? Гейтжи Махачев билан жанг қилишга асосий номзод эди, Исламнинг ўзи у билан июнда учрашишини айтганди. Энди бунинг иложи йўқ. Чунки Жастин BMF камари учун Макс билан уришар экан. Шахсан мен учун бу мазмунан ғалатароқ жанг. Аммо икки фантастик жангчи ўртасидаги беллашув зўр ўтиши аниқ. Холлоуэй ўзи ҳақда яна эслатиб қўйишига имконият. Гейтжи учун фақат моддий манфаат. Махачев ўзига бошқа рақиб қидиради. Юқорироқ вазнга чиқиб Эдвардс билан учрашса керак энди.

t.me/Davron_Fayziev Ochish/sharhlash

2024-01-14 08:15:10 UFC Vegas турнирида Магомед Анкалаев иккинчи раундда нокаут билан Жонни Уокерни мағлубиятга учратди. Уларнинг биринчи жанги натижаси таъқиқланган зарба сабабли бекор қилинганди. Анкалаев мана шу хатони тўғирлаб кетди ва яна ярим оғир вазннинг асосий даъвогарларидан бирига айланиб олди.

t.me/Davron_Fayziev Ochish/sharhlash

2024-01-08 09:03:20 UFC енгил вазнда Чарльз Оливейра ва Арман Царукян ўртасида даъвогарлар жангини белгилади. Жанг UFC 300 турнири доирасида 13 апрель куни ўтказилади.

Аввал ҳам айтгандим, Ислам Махачев Оливейранинг жароҳатидан кейин бирдан реванш бермаса керак деб. Демак, чемпионлик жанги Махачев ва Гейтжи ўртасида бўлиши эҳтимоли катта. Шунингдек Махачевнинг ёзда қайтишини инобатга олсак, Арман - Чарльз ғолиби билан учрашиши ҳам мумкин. Яна бир вариант сифатида Исламнинг яримўрта тоифа чемпиони Леон Эдвардс билан тўқнашуви.

Енги вазннинг яна бир юлдузи Дастин Порье 9 март куни Бенуа Сент Дени билан учрашиши эълон қилинди.

t.me/Davron_Fayziev Ochish/sharhlash

2024-01-01 10:55:34 Конор Макгрегор кейинги жанги санасини, рақибини ҳамда вазн тоифасини айтди.

29 июнь куни Лас-Вегасдаги UFC 302 турнирида Конор The Ultimate Fighter шоусидаги рақиби Майкл Чендлер билан учрашмоқчи. Вазн тоифаси 84 кг. Барча даврларнинг энг катта қайтиши деб айтди ирландиялик жангчи.

Савол, унинг гапларига ишонса бўладими? 29 июнда октагонга чиқиши, ҳа бу нормал ҳолат, рақиб Чендлер бўлиши ҳам мантиқан тўғри. Лекин… 84 килограм бу ўрта вазн. Яъни одатий енгил тоифадан икки поғона юқори. Конорнинг ўзи балки 84 га амаллаб тортар, лекин Чендлер учун бу ўта юқори вазн. Ўзигаям кулгили туюлди, қолаверса байрам қилиб ўтирибди. Демак жавоб - 50 га 50 деган бўлардим.

t.me/Davron_Fayziev Ochish/sharhlash

2023-12-26 19:45:59 Бу каналда ҳали жойланмаган эски видеолар бор эди. Мавзу UFC бўлгани учун шу ерда ҳам чиқариб тураман. 2021 йил. Брендон Морено ваъдасининг устидан чиққани.

https://t.me/Davron_Fayziev/3216 Ochish/sharhlash

2023-12-17 09:36:33 Леон Эдвадрс - Колби Ковингтон жангидаги баъзи эътиборли вазиятлар. Ярим ўрта вазн камари Леонда қолади. Колби бу жангнинг тўртта раундида имкониятни бой берди, охирги раундни ўз ҳисобига ёзибди.

t.me/Davron_Fayziev Ochish/sharhlash

2023-12-17 09:19:01 And still! Леон Эдвадрс уччала ҳакамнинг бир хил 49-46 ҳисобдаги қарори билан ғалаба қозонди. Адолатли натижа. Албатта Колби интервьюларда қарорга қўшилмаса керак. Ярим ўрта вазнда Леон 2023 йилни чемпион сифатида якунламоқда. Унинг ортида кучли даъвогарлар бор. Камарни сақлаб қолиш осон бўлмайди.

Бугун марказий жангдан кўра андеркардлар қизиқроқ кечди.

t.me/Davron_Fayziev Ochish/sharhlash

2023-12-17 09:13:39 Ярим ўрта вазн чемпионлик жанги. Леон Эдвардс - Колби Ковингтон

5-раунд

Жуда суст жанг ўтказди Ковингтон. Кардиомашина дейишарди, жуда актив ишлолмади. Босим қироли дейиларди, деярли олдинга бормади. Эдвардс аксинча партерда ҳам кучлироқ ҳаракат қилди. Умуман Леон ҳам жуда ёрқин ишламади. Лекин ҳар ҳолда имкон бўлган пайт ҳужум қилди. Ғолиб очколар бўйича аниқланади.

t.me/Davron_Fayziev Ochish/sharhlash

2023-12-17 09:07:25 Ярим ўрта вазн чемпионлик жанги. Леон Эдвардс - Колби Ковингтон

4-раунд

Раунд бошида Эдвардс бўғишга киришди, Колби қуршовдан чиқиб кетди. Уёғига яна ўрта масофада якка зарбалар билан ишлашди. Якуний дақиқада Ковингтон партерда бироз фаоллашди. Узоқ вақт давом этмади.

t.me/Davron_Fayziev Ochish/sharhlash

2023-12-17 09:01:15 Ярим ўрта вазн чемпионлик жанги. Леон Эдвардс - Колби Ковингтон

3-раунд

Сал жанг стратегияси ўзгарди. Колби курашга киришди. Чунки стойкада оёғи лоукиклардан бироз шикастланди. Курашдан Леон тезда чиқиб кетди. Эдвардс учинчи раундни ҳам олди назаримда.

t.me/Davron_Fayziev Ochish/sharhlash