2023-02-02 09:49:26
Vijdonli kadr!!!
Kadr yetishmovchiligi bor deyishadi, yoʻq, bizda kadrlar keragidan ortiq. Bizda vijdonli kadrlar yoʻq.
Har yili yuz minglab talabalar OTMlarni bitirishyapti, ular kim unda?
Rivojlanmayotganimizning asosiy sabablari oʻlaroq, korrupsiya va nepatizm eng birinchilar qatorida sanaladi.
Ammo, bulardan kam taʼsirga ega boʻlmagan yana bir omil bor.
Vijdon (aslida, qolganlariyam shu bilan bogʻliq).
Bizda shundaylar koʻpki, oʻzini oʻzi hech taftish qilmaydi. Oʻzi shu joyga, shu lavozimga, shu mansabga loyiqmanmi?
Yoʻq, tish tirnogʻi bilan yopishib olgan. Berilgan vazifa qoʻl uchida amallansa yetarli, kun oʻtqazilsa, oylik olinsa bas.
Men, shu oʻringa munosib emasman, mendan yaxshiroq uddalaydiganlar bor deb, oʻrin boʻshatadiganlar yoʻq bizda.
Bu oʻqituvchi, shifokor, muhandis, har bir kishi boʻlishi mumkin. Vijdonan qila oladigan ishingni qil, oʻn emas besh ol, ammo, vijdoning toza boʻlsin.
Bizda vijdon uygʻonib, noloyiqligimizni sezib, oʻrnimizni loyiqlarga boʻshatib berishni boshlaganimiz hamon, rivojlanishni ham boshlaymiz, inshaalloh.
144 viewsFirdavs Farkhodov, edited 06:49