#Мулоҳаза Нима учун айнан Финляндия таълим тизими барчанинг э | НУРОНИЙЛАР ОВОЗИ

#Мулоҳаза

Нима учун айнан Финляндия таълим тизими барчанинг эътиборида?

Кўпчилик Финляндия таълим тизимини мақтайди, деярли ҳамма бу мамлакат таълимини оғзидан бол томиб гапиради. Ҳўш, бу мамлакат айнан нимаси билан таълимда етакчи ўринда?

Финляндиянинг етакчи ўринга чиқиб кетиши, нафақат халқаро педагоглар жамияти ҳамда жаҳон оммавий ахборот воситаларини ҳам ҳайрон қолдирган.

Финляндияда 1970 йилда пайдо бўлган 9 йиллик мактаблар 2001 йилгача жамоатчиликнинг аёвсиз танқидига дучор бўлган. Аммо, 2001 йил декабридан сўнг таълимлаги бу ислоҳотлар тўғри эканлиги маълум бўлди.

Мутахассислар фикрича, фин болаларининг бошқа мамлакатлардаги аксар тенгдошларига нисбатан яхшироқ ўқишлари учун асосий 5 та омил мавжуд экан. Улардан 4 таси бевосита мактаб ва унинг жавобгарлик чегараси билан боғлиқ бўлиб, бешинчиси мактаб ҳовлисидан ташқаридадир.

Биринчидан, Финляндияда ўқувчи 7 ёшдан бошлаб қизиқишига қараб махсус фанларга йўналтирилган ўрта мактабда таҳсил олади. Шунингдек, финларда мактаблар қаерда жойлашганлиги, кимни ўқитаётганидан қатъий назар, уларнинг бари яхши таълим олиши керак деган амалиёт мавжуд.

Иккинчидан, у мамлакат таълим тизимига малакали ўқитувчилар кераклигини эрта англаб етди. Улар 1980 йилдаёқ ўқитувчилар етиштириб берадиган олийгоҳларда тубдан ислоҳот ўтказдилар. Улар ўқитувчилар нуфузини кўтаришни энг асосий масала сифатида кўришди.

Учинчидан, барча мактабларда болаларнинг соғлиги ва фаровонлигини таъминлашга йўналтирилган механизимни ишга туширдилар. Бунинг учун фин мактабларининг ихтиёрига йирик миқдорда маблағ ва штат бирликлари берилди.

Тўртинчидан, финлар таълим тизимининг ўрта бўғинида ишловчи раҳбарлар ҳам педагоглар бўлиши керак деб ҳисоблашди. Яъни, директор ўзи ишлаётган мактабда дарс бериш имкониятига эга бўлиши лозим эди.

Бешинчидан, финлар ўқув жараёнининг ўзига ҳослигига ўқувчининг мактабдан ташқаридаги ҳаёти ҳам кучли таъсир этишини унутишмади.

Тимоти Уокернинг «Финляндия таълим мўжизаси» китобидан

https://t.me/xalqtaliminfo