Samarqand viloyati hokimligi

2023-05-11 16:33:35 Мамлакатимизга бензин ва дизель ёқилғисини олиб келишга барча чекловлар олиб ташланган.

Мутасаддилар олдига ҳозирдан бензин ва дизель захирасини шакллантириш вазифаси қўйилди.

Ёқилғи олиб келувчи тадбиркорларга айланма маблағ учун кредитлар ажратилиши белгиланди.

Яратилган шароитлар туфайли мамлакатимизга шу йилнинг ўзида 5 мингта электромобиллар олиб келингани таъкидланди. Энди улар учун ҳудудларда етарли инфратузилма яратиш лозим.

Бу борада келгуси уч йилда 3,5 мингта қувватлаш қурилмаларини ўрнатиш бўйича алоҳида дастур қабул қилиниб, имтиёзлар берилган.

Вилоят ҳокимларига жорий йилнинг ўзида 900 та қувватлаш қурилмалари ўрнатилишини таъминлаш топширилди.

Умуман, тармоқ мутасаддилари олдига энергетика соҳасида иш сифатини таъминлаш, тартиб ва интизомни кучайтириш вазифаси қўйилди.

Йиғилиш якунида ҳудуд ва тармоқлар раҳбарларининг ҳисоботи эшитилди.

Facebook|Instagram|Twitter Ochish/sharhlash

2023-05-11 15:41:19 Давлатимиз раҳбари ҳудудларда энергияни тежаш масаласига тўхталиб ўтди.

Мисол учун, Қарши туманидаги тадбиркор 10 гектар иссиқхонани кўмирда иситиш лойиҳасини бошлаган.

Лойиҳа доирасида кўмирни синтез қилиш орқали йилига 2,8 миллион куб метр газ иқтисод қилиниб, 8 миллион киловатт соат электр энергияси ишлаб чиқарилади.

Қолган вилоятларда ҳам шундай лойиҳаларни амалга ошириш бўйича дастурлар қабул қилиш зарурлиги таъкидланди.

Кўмирга талаб шу йилнинг ўзида 1,5 бараварга ошиши кутилаётганини ҳисобга олиб, жорий йилда кўмир қазиб чиқаришни 5,3 миллион тоннадан 6,5 миллион тоннага олиб чиқиш зарурлиги қайд этилди.

Бунинг учун “Ангрен” кўмир конига 80 миллион доллар кредит ажратилади, “Шарғун кўмир”нинг биринчи линияси ишга туширилади. Шунингдек, 14 та кўмир конига тадбиркорлар жалб қилинади.

Facebook|Instagram|Twitter Ochish/sharhlash

2023-05-11 15:41:19 Йиғилишда ёз ойларида электр тизимларининг барқарор ва узлуксиз ишлашини таъминлаш, юклама ошиб кетиши натижасида уларнинг ишдан чиқишини олдини олиш чораларини ўз вақтида кўриб бориш зарурлиги кўрсатиб ўтилди.

Паст кучланишли 30 минг километр электр тармоғи ва 10 мингта трансформаторни мукаммал таъмирлаш ишларини ўз вақтида ва сифатли бажариш топширилди.

Бу борада март ойида Тошкент шаҳрида электр таъминотини яхшилаш бўйича алоҳида дастур қабул қилиниб, бунга 4,2 триллион сўм ажратилди. Унга мувофиқ 900 километр электр тармоқлари, 230 та трансформаторни янгилаш ва реконструкция қилиш, 5 та янги подстанция қуриш режа қилинган.

Вилоятлар ҳокимларига электр ускуналари ва материаллари захираси учун эҳтиёжларни ҳисоб-китоб қилиб, ҳар бир вилоятда 10 миллиард сўмдан маблағ ажратиш топширилди.

1 августга қадар 2023 йил учун режа қилинган тармоқ ва трансформаторларни таъмирлаш ишларини якунига етказиш вазифаси қўйилди. Бунинг учун вилоят, шаҳар ва туманларда 400 га яқин бригада ташкил қилинади.

Шунингдек, мутасаддиларга иссиқлик энергия станцияларига бугунги кунга нисбатан 6 миллион куб метрга кўп газ етказиб беришни таъминлаш, 1 июлга қадар 200 минг тонна мазут захирасини яратиш топширилди.

Ёқилғи-энергетика соҳасида давлат назоратини кучайтириш, электр энергияси ва газнинг ноқонуний истеъмолига барҳам бериш бўйича ҳам вазифалар белгилаб берилди.

Facebook|Instagram|Twitter Ochish/sharhlash

2023-05-11 15:26:04 Мамлакатимизда аҳоли томонидан ишлаб чиқарилган электр энергиясининг 1 киловатти учун 1 минг сўмдан тўланиши эълон қилинган. Улар "Қуёшли хонадон" тизимига уланиб, тегишли тўловларни олишлари мумкин.

Президент ушбу дастур қамровини ошириш ва янада кенг жорий қилиш бўйича янги вазифаларни белгилаб берди. Жумладан:

- Тадбиркорликни қўллаб-қувватлаш жамғармаси томонидан савдо ва сервис корхоналарига қуёш панеллари учун кредит тўловларининг 4 фоизи қоплаб берилади;

- халқаро молия ташкилотларидан 100 миллион доллар жалб қилиниб, сўмда, мақбул шартларда аҳоли ва кичик тадбиркорлар учун “яшил” кредит маҳсулотлари яратилади. Аҳолига ажратилган кредит фоизларининг бир қисмини компенсация қилиш учун 100 миллиард сўм ажратилади.

Иқтисодиёт ва молия вазирлигига аҳоли ва тадбиркорларга берилган “яшил" кредитлар фоизларининг бир қисмини қоплаш тизимини жорий қилиш топширилди.

Шунингдек, "яшил энергия” сертификатлари тизими жорий қилинади. 1 июлдан бошлаб гидроэлектр станцияларига “яшил” сертификат берилади. Ушбу тизим 1 октябрдан бошлаб барча қайта тикланувчи энергия манбалари ҳисобидан ишлаб чиқарилган электр энергияси учун жорий қилинади.

Facebook|Instagram|Twitter Ochish/sharhlash

2023-05-11 15:13:11 Президент тадбиркорлар, аҳоли хонадонлари ва ижтимоий объектларда кичик қуёш панеллари ўрнатиш бўйича белгиланган вазифаларни бажаришда жойлардаги мутасаддилар томонидан оқсоқликка йўл қўйилаётганини танқид қилди.

Жумладан, электр энергияси билан узлуксиз таъминлаш мақсадида ижтимоий соҳа ва давлат идораларида қуёш панеллари ўрнатиш бўйича Самарқанд, Жиззах, Бухоро вилоятлари яхши натижа кўрсатаётган бўлса, Қорақалпоғистон, Тошкент шаҳри, Тошкент, Навоий вилоятлари анча орқада.

Туманлар кесимида Сергели, Чилонзор, Учтепа, Нукус, Беруний, Бекобод, Паркент, Пискент, Қизилтепа, Гулистон, Сирдарё, Арнасой, Бағдод, Фурқат, Термиз, Олтинкўлда ишлар аҳволи қониқарли эмас.

Тадбиркорлар билан ишлаш аҳволи ҳам бирорта ҳудудда талаб даражасида эмас. Улар томонидан 790 мегаватт қувват яратиш режа қилинган бўлса-да, бугунги кунга қадар бор-йўғи 50 мегаваттли қувватлар ишга тушган.

Туманлар кесимида Сайхунобод, Когон, Жондор, Мирзаобод, Шароф Рашидов, Пахтакор, Янгиариқ туманлари, Янгиер, Урганч шаҳарлари ҳокимлари масаланинг ичига кирмаган. Ушбу туман ва шаҳар ҳокимларига ҳайфсан берилиши, икки ойда ўзгариш қилмаса, ишдан кетиши белгиланди.

Айрим ҳокимлар осон йўлни танлаб, қўйилган вазифани тайёр бюджет маблағлари ҳисобидан бажаришга ўрганиб қолгани кўрсатиб ўтилди.

Facebook|Instagram|Twitter Ochish/sharhlash

2023-05-11 14:58:52 Президент раислигида жойларда қайта тикланувчи энергия манбаларини жорий қилиш аҳволи, ёз мавсумида энерготизимнинг барқарор ишлашини таъминлаш борасида кўрилаётган чоралар муҳокамаси бўйича видеоселектор йиғилиши бошланди.

Ёз ойларининг иссиқ кунларида электрга кунлик талаб ҳозирги 195 миллион киловатт соатдан 255 миллион киловатт соатга етиши мумкинлиги қайд этилди.

Ҳар бир ҳудуд ва тармоқ кесимида 2023 йилда электр энергияси танқислигини ортиғи билан қоплаш бўйича вазифалар аниқ белгиланган эди.

Шу боис давлатимиз раҳбари ёқилғи-энергетика мажмуаси раҳбарияти олдида вилоят ҳокимлари билан бирга ёз мавсумида ҳудудларда электрга талабни қоплаш, электр тармоқларининг юқори юклама шароитида узлуксиз ишлашини таъминлаш, тармоқ ва ҳудудларда энергияни тежаш вазифалари турганлигини кўрсатиб ўтди.

Энергетика вазирлиги ва “Ўзбекнефтгаз” АЖга жорий йилда 2 минг мегаватт қувватли қуёш ва шамол электр станцияларини ишга тушириш, газ ишлаб чиқариш ва захираларни шакллантириш бўйича режалаштирилган кўрсаткичларга эришиш топширилди.

Facebook|Instagram|Twitter Ochish/sharhlash

2023-05-11 14:18:12 Samarqand viloyatidan E-auksion.uz platformasi orqali 4324 ta tadbirkorlik uchun yer uchastkalari mulk va ijara huquqi bilan savdoga chiqarildi.

Oqdaryo tumanidan 258 ta (ko'rish)
Bulung'ur tumanidan 356 ta (ko'rish)
Jomboy tumanidan 185 ta (ko'rish)
Ishtixon tumani 743 ta (ko'rish)
Kattaqo'rg'on tumanidan 285 ta (ko'rish)
Qo'shrabot tumanidan 671 ta (ko'rish)
Narpay tumanidan 95 ta (ko'rish)
Payariq tumanidan 247 ta (ko'rish)
Pastdarg'om tumanidan 109 ta (ko'rish)
Paxtachi tumanidan 60 ta (ko'rish)
Samarqand tumanidan 159 ta (ko'rish)
Nurobod tumanidan 872 ta (ko'rish)
Urgut tumanidan 161 ta (ko'rish)
Tоyloq tumanidan 9 ta (ko'rish)
Samarqand shahridan 9 ta (ko'rish)
Kattaqo`rg`on shahridan 109 ta (ko'rish)

YANADA KO’PROQ (koʼrish)

"E-AUKSION" vakili: 99 207-36-07
"E-AUKSION" vakili: 99 207-26-07 Ochish/sharhlash

2023-05-11 14:10:25 Бироздан сўнг Президент Шавкат Мирзиёев раислигида ҳудудларда энергияни тежаш ва қайта тикланувчи энергия манбаларини жорий этиш ҳолати юзасидан видеоселектор йиғилиши бошланади.
—
Скоро под председательством Президента Шавката Мирзиёева начнется видеоселекторное совещание по состоянию энергообеспечения и внедрения возобновляемых источников энергии в регионах.

Facebook|Instagram|Twitter Ochish/sharhlash

2023-05-11 14:10:20 Махсус репортаж | Ички туризм ривожланмоқда
#11may #uzbekiston24

mtrk.uz | Youtube | Facebook | Telegram | uztv.tv | TV-dastur Ochish/sharhlash

2023-04-21 05:07:28 Эркинжон Турдимов барчани Рамазон ҳайити билан қутлади

Самарқанд шаҳридаги “Номозгоҳ” жоме масжидида эрта тонгдан жамоат Ийд ул-Фитр намозини адо этиш учун жам бўлди.

Унда вилоят ҳокими Эркинжон Турдимов иштирок этиб, барча самарқандликларни Рамазон ҳайити билан табриклади.

- Муқаддас байрам барчамизга муборак бўлсин, - деди Э.Турдимов. — Дуоларимизда юртимиздаги тинчлик бардавом, бошлаган эзгу ишларимиз хайрли бўлсин.

———

Erkinjon Turdimov barchani Ramazon hayiti bilan qutladi

Samarqand shahridagi “Nomozgoh” jome masjidida erta tongdan jamoat Iyd ul-Fitr namozini ado etish uchun jam boʻldi.

Unda viloyat hokimi Erkinjon Turdimov ishtirok etib, barcha samarqandliklarni Ramazon hayiti bilan tabrikladi.

- Muqaddas bayram barchamizga muborak boʻlsin, - dedi E.Turdimov. — Duolarimizda yurtimizdagi tinchlik bardavom, boshlagan ezgu ishlarimiz xayrli boʻlsin. Ochish/sharhlash