2024-04-26 23:21:26
PROFILAKTIKA nimaga kerak?Bizda kasalliklarni profilaktika (oldini olish) qilish ishlari juda sust. Davlat tomonidan klinikalar qurilishiga, dorilar ishlab chiqarishga katta pul sarflanayaptiyu, lekin profilaktikaga juda kam ajratilyapti.
Bu summalarni raqamlarda keltira olmasamda, lekin aholini umumiy salomatlik koʻrsatkichlarini yomonlashuvidan, semizlik kundan-kunga ortib borayotganidan, tibbiy madaniyat rivojlanishi ortda qolayotganidan bilsa boʻladi.
Mana shuning uchun ham kunimiz “BAD”larga qoldi. Ogʻrib turgan odam hasga boʻlsayam osilishidan “ular” yaxshi foydalanyapti.
Ishga layoqatli yoshdagilar kasalliklar sabab layoqatsiz boʻlib qolganidan har yili kasallik varaqalari, nogironlik uchun byudjetdan milliardlab pul sarflanadi.
Shifoxonalarda bemorlar uchun sarflanayotgan pulni-ku hisobiga yetib boʻlmaydi. Davolanib ketsa ham mayli edi, lekin afsuski kasallikni sababiga qaratilmagan davo-muolajalari bemorni “doimiy mijozga” aylantiryapti.
Ftiziatriya kafedrasidagi bir ustozimiz aytardi, silni davolagandan uni oldini olish (adashmasam) 18 barobar arzonga tushadi.
Semizlik sabab rivojlanadigan:
- Qandli diabet 2-tipi
- Gipertoniya
- Yurak infarkti
- Insultlar
- Churralar
- Bepushtlik
- Ogʻriqlar
- Gepatoz, sirroz
- Hazm tizimi va hokazo kasalliklar uchun har yili qancha pul sarflanadi deb oʻylaysiz? ANCHA!
Juda koʻp kasalliklarni birgina semizlikni yengib oldini olish mumkin. Toʻgʻri, bu kasalliklarga doim ham semizlik sabab boʻlavermaydi, lekin bemorlarni 70%idan ortigʻiga ortiqcha vazn sabab boʻlgan.
Profilaktikani kuchaytirish shifokorlarni oyligini koʻtarishdan boshlanadi…
Davomi bor.
@doctorferuz
17.4K views20:21