Farzandnoma

2021-02-08 11:19:35 ҲАЁТ ПУШАЙМОН ҚИЛИШ УЧУН ЖУДА ҚИСҚА

Аёл таксига ўтирди ва ҳайдовчига аэропортга бормоқчилигини айтди. Машина ўнг чизиқ бўйлаб йўл олди. Тўсатдан қора рангли юк машина қаршисидан чиқди. Ҳайдовчи тўқнашиб кетмаслик учун зудлик билан тормоз берди. Такси тўхташга улгурди, аммо орқадан келаётган машина билан тўқнашиб кетишига бир баҳя қолди. Юк машина ҳайдовчиси ойнадан бошини чиқариб ҳақорат қилганча бақира кетди. Такси ҳайдовчиси эса хотиржам табассум билан самимий қўл силкиб қўйди.
Бир зумда рўй берган бу воқеадан даҳшатга тушган аёл, такси ҳайдовчисининг бу ишидан ажабланди. “Нега бундай қилдингиз?- дея сўради аёл. У сал бўлса машинангизга зиён етказиб, иккимизни ҳам ўсал қиларди”. Такси ҳайдовчиси кулимсираб:
— Ахлат қутиси қоидаси,- деди.
— У нима дегани?- деди аёл ҳеч нарсани англамай.
— Айрим одамлар ахлат қутиси каби,- дея изоҳлади ҳайдовчи. -Юрагида ахлат кўтариб юради; жаҳл-ғазаб ва тушкунлик ташийди. Қалби ахлат билан тўлиб- тошиб кетса, қаергадир тўкишга эҳтиёж сезадилар. Уларнинг руҳий ахлатига мен ёки сиз нишон бўламиз. Шундай пайтларда ҳеч ўзингизга олманг, хафа бўлманг. Уларга яхшилик тиланг ва йўлингизда давом этинг. Ундайларнинг ахлатини ишхонангиз ёки уйингизга кўтариб борманг. Кўчадаги бошқа одамларга ҳам сочиб юрманг. Омадли ва бахтиёр инсонлар ахлат қутиларига кунларини маҳв этиш, руҳиятларига таъсир кўрсатишларига йўл қўймайдилар. Ҳаёт тонгда пушаймонлик билан уйғониш учун жуда қисқа. Шунинг учун сизга гўзал муомалада бўлган инсонларни севинг ва яхши муносабатда бўлмаганларга яхшиликлар соғининг. Ҳаёт — ўн фоиз қандай ишларни бажарганингиз ва 90 фоиз уни қандай қаршилаганингизга боғлиқ. Ochish/sharhlash

2021-01-27 17:26:46 Дубай асосчиси Шайх Рашиддан ўз давлатининг келажаги ҳақида сўрашганда, шундай жавоб берган экан: ''Менинг бобом туяда юрарди, отам туяда юрарди, мен "Мерседес"да юраман, ўғлим "Ленд-Ровер"да юради, неварам "Ленд-Ровер"да юради, лекин эварам туяда юради..."
Нега бундай?!
Оғир пайтлар кучли кишиларни, кучли кишилар енгил пайтларни пайдо қилади. Енгил дамлар кучсиз одамларни, кучсиз одамлар оғир пайтларни пайдо қилади.
Текинхўрларни эмас, ҳаракатчанларни тарбиялаш керак.
Айтишларича, ота-оналар меҳнатда пул топиб, болалар роҳатда фақат сарфласалар, неваралар садақа сўрашга мажбур бўларкан... Ochish/sharhlash

2021-01-24 20:04:02 Илм олишдан энг олий мақсад унга амал қилишдир

Жобир ибн Абдуллоҳ розияллоҳу анҳумо бир йили Румга қарши Аллоҳ розилиги йўлида ғазотга чиқди. Қўшин қўмондони Молик ибн Абдуллоҳ Ал-Хасъамий бўлиб, у аскарларнинг аҳволини билиб туриш учун қўшин юриб кетаётганида ҳам уёқдан-буёққа айланиб юрар, уларга далда берар, ёши улуғларига муносиб эътибор ва ҳурмат кўрсатар эди.

Шу аснода қўмондон Жобир ибн Абдуллоҳнинг ёнидан ўтиб қолди. Қараса, у киши хачирининг жиловидан ушлаб, пиёда юриб кетяпти. Молик: "Эй Абу Абдуллоҳ, нима учун бунга минмаяпсиз? Ахир, Аллоҳ Таъоло сизга бир уловни бериб қўйган-ку", деди. Жобир ибн Абдуллоҳ унга: "Мен Росулуллоҳ соллаллоҳу алайҳи ва салламнинг "Кимнинг икки оёғи Аллоҳнинг (розилиги) йўлида чангга беланса, Аллоҳ уни дўзахга ҳаром қилади",* деганларини эшитганман", деди.

Молик унинг ёнидан узоқлашиб, қўшиннинг бош қисмига етиб борди ва ортига бурилиб, баланд овозда Жобир ибн Абдуллоҳга "Эй Абу Абдуллоҳ, нима учун имконингиз бўла туриб хачирингизга минмаяпсиз?" – деб ҳайқирди. Жобир унинг мақсадини (бу ҳадисни бошқалар ҳам эшитишини истаётганини) тушунди ва (худди у каби) баланд овозда "Мен Росулуллоҳ соллаллоҳу алайҳи ва салламнинг "Кимнинг икки оёғи Аллоҳнинг (розилиги) йўлида чангга беланса, Аллоҳ уни дўзахга ҳаром қилади", деганларини эшитганман", деди.

Бу гапни эшитиши билан одамлар уловларидан сакраб тушди, уларнинг ҳаммаси мана шу ажрга эга бўлишни хоҳларди... Одамлар пиёда аскарлари сони бундан кўп бўлган бирон қўшинни кўрмаган.

Илм олишдан энг олий мақсад унга амал қилишдир. Шунинг учун ҳам Жобир ибн Абдуллоҳ розияллоҳу анҳумо эшитган ҳадисига амал қилди – миниб кетаётган хачиридан тушиб, Аллоҳнинг розилиги йўлида оёғи чангга беланишини истаб бир муддат яёв юрди. Шунинг учун ҳам у кишидан ушбу ҳадисни эшитган аскарлар ҳеч иккиланмай уловларидан сакраб тушишди ва эшитганларига амал қилишга шошилишди.

Cолиҳлар илмни ғоя, мақсад эмас, ўша ғояга – Аллоҳнинг розилигига элтувчи восита деб билар эдилар. Ochish/sharhlash

2021-01-18 21:12:09 Учрашганда биринчи бўлиб салом беришингиз, ўзи яхши кўрган исми билан чақиришингиз, ўтирганда унга жой беришингиз биродарингизнинг муҳаббатини қозонадиган ишлардандир.

Абу Ҳафс Умар ибн Хаттоб Ал-Адавий Ochish/sharhlash

2021-01-09 22:25:26 Ҳар бир киши яхши инсон бўлмаслиги мумкин, лекин ҳар бир кишида мутлақо бир яхшилик бўлади.
Ҳеч кимни шошиб айбламанг, чунки ҳар бир ҳидоят топганнинг ўтмиши, ва ҳар бир гуноҳкорнинг келажаги бор...
Роббимиз бизни тўғри йўлдан адаштирмасин!.. Ochish/sharhlash

2021-01-01 13:40:14 Эътиқодингизга кўра яшамас экансиз, яшаётганингизга кўра эътиқод қилиб қоласиз. Умар ибн Хаттоб Ochish/sharhlash

2020-12-26 12:03:32 Ulug‘lardan birini hasadchi kishi qattiq malomat qilar ekan, shunda u kishi: "Ey Falonchi, sulhga ham yo‘l qolsin" der ekan. Ya'ni bir kun uzr so‘rasang, yarasha olaylik degan ma'noda gapirgan ekanlar. Ochish/sharhlash

2020-11-25 07:06:30 Bir yahudiy donishmanddan "Nega sizlarning xalqingiz 40 yil cho'lda tentirab yurgan?", - deb so'raganimda, u donishmand menga "Ular cho'lda tentirab yurishganiga sabab, Misrda 430 yil davomida qul bo'lgan yahudiylar, cho'lda erkin yurgandan ko'ra, qullikka qaytishga rozi bo'lishgan. Shu sababdan ham cho'lda - ozodlikda tug'ilgan va erkin fikrlaydigan avlodgina va'da qilingan yurtga qadamini qo'ygan", - deb javob bergan edi. Ochish/sharhlash

2020-11-13 10:57:38 Бир кишининг ҳеч нарса қилмай, дунё ишларини ҳам, охират ишларини ҳам бажармай юришини жуда ёмон кўраман.

Абдуллоҳ ибн Масъуд розияллоҳу анҳу Ochish/sharhlash

2020-11-11 21:08:48 ​​Михаил Саакашвили: Агар мамлакатнинг келажаги ҳақида билмоқчи бўлсанг - унинг мактабларига назар сол. Мен Грузия президенти бўлганимда, ўқитувчиларнинг маоши 35 доллар ва ўқитувчиларнинг ўртача ёши 55 эди. Мен лавозимни тарк қилганимда, ўқитувчиларнинг ўртача маоши 650 доллар бўлди.

Ўқитувчи бўлишга эса, жуда кўп ёшлар интила бошлашди. Аммо таълим соҳасидаги ислоҳатларимиз маошни кўтариш билан чеклангани йўқ. Биз барча районо ва гороноларни йўқ қилдик. Буларнинг ўрнига ҳар бир туманда куни тун ишлайдиган Ўқитувчилар Уйини ташкил қилдик. Унда ўқитувчилар ўз маошини оширишлари учун ўз малакаларини ошириши имокниятини ташкил қилдик. Ҳар бир ўқувчи учун бюджетдан пул ажратилди. Ота-оналар ўз фарзандларини кўпроқ бермоқчи бўлган мактаблар ҳам кўпроқ пул олиш имконига эга бўлишди.

Ота-оналар, ўқитувчилар ва мактаб маъмурияти биргаликда мактаб бюджетини нимага сарф қилишни ўзлари ҳал қилдилар. Инглиз тилини биладиган мамлакатлардан 1500 дан ортиқ волонтерларни таклиф қилдик, улар эса ҳатто тоғларда жойлашган болаларга ҳам инглиз тилини ўргатишди. 1 сентябрда эса ҳар бир биринчи синф ўқувчисига ичида таълим учун махсус дастурлар ўрнатилган ноутбуклар совға қилинди. Болалар ёшликларидан янги технологияларга ўрганишади. Буларга пулни эса, наркотик сотувчи ва коррупцияонерларнинг мулкларини мусодара қилиб топдик. Ochish/sharhlash