Нафс... Инсон нафсга эгила бошладими у инсонийлик билан бирга | Девонанинг кундалиги

Нафс...

Инсон нафсга эгила бошладими у инсонийлик билан бирга барча фазилат ва оқибатларни йўқ қилади номус ва уят тарк этади.

Қашқадарёни Яккабоғ туманида "Ал Камол" савдо маркази раҳбари Наби ака билан бир суҳбатимизда ажойиб бир воқеани айтиб бергандилар:

"Бир шогирдим бўларди, бошқа туманда яшарди ҳар гал уйимга келганда қўлида пакет билан менга нимадир илиниб кўтариб келарди.
Бир куни у эшикдан кириб келаётган беихтиёр қўлига қарадим, ичимдан бу гал менга нима олиб келди экан деган очкўз хаёл кўзларимни унинг қўлига қаратди.
Рости ўзимдан уялдим, эй Наби ўл бу кунингдан шунча давлатинг бўла туриб, сенга иши тушиб келган одамни қўлига оч одамдек термулдинг, шунчалик оч қолдингми ношукр деган фикр келди миямга.
Инсон бировнинг қўлига қараб қолишданда ёмонроқ ва уятлироқ нарса йўқ бу оламда" дегандилар.

Хулоса шуки итга ҳам суяк ташлайверсанг эшигинг тагидан кетолмай қолади, аммо ит бермаганинг учун қопмайди аксарият одамлар эса минг марта бериб, бир марта бермасанг итдан баттар тиш қоқиб ҳужумга ўтади.
Одамлар қўлига қараб қолманг йўқса кетини қашлаш учун қўлини чўзганда менга нимадир бермоқчимикан деб ўша қашланадиган жойдан умидвор қўл чўзиб қолишингиз мумкин.
Қорин оч бўлса ҳам, кўзингиз тўқ бўлсин

Otabek

https://t.me/DevonaningKundaligi