yoza olganlarim

2022-10-22 20:13:44 Tabibimga tabrigim... (iltimosga binoan) Tong otdi qarshimda, go'zallik bilan, Tabassuming ko'rsam, yayraydi dilim. Menga kulib qo'ygin, nozlaring bilan, Axir qancha kutdim, shu kunni, gulim. O'zga quyosh, iliq, misli tuyg'ular, Atrof ham yanada yorqinlashmoqda!… Ochish/sharhlash

2022-10-22 20:13:40 Tabibimga tabrigim...
(iltimosga binoan)

Tong otdi qarshimda, go'zallik bilan,
Tabassuming ko'rsam, yayraydi dilim.
Menga kulib qo'ygin, nozlaring bilan,
Axir qancha kutdim, shu kunni, gulim.

O'zga quyosh, iliq, misli tuyg'ular,
Atrof ham yanada yorqinlashmoqda!
Kel, bizga yot bo'lsin alam-qayg'ular,
Axir mening sevgim yaqinlashmoqda.

Dilimdan ko'chmaydi senga so'zlarim,
Yayragin, bag'rimda jo'sh urgin, ohu.
Negadir, tilim ham ojiz, ko'zlarim
Sening sevging ila to'la, sen - jodu.

Yuksalgin, g'alabang quvnatsin meni,
Tabib bo'lsang, yongan bag'rim seniki.
Alloh qo'llab tursin, yashnatsin seni,
Faqat yonimda qol, umrim seniki.

O'n olti yosh bo'lding, mening malikam,
Hali ham esimda uchrashganimiz.
Bir ko'rib sevganim, qo'rquv, tahlikam,
Qancha urishgan-u yarashganimiz.

Niyatga yetaylik, bo'lay sen bilan,
Yaxshi-yomon kunmi, doim yoningda.
Ko'nglingga qarayman, qolsang men bilan
Hafa qildirmayman, sevgim, yonimda!

@realseva Ochish/sharhlash

2022-09-04 22:03:44 Tabibimga... Farishtasan balki, yot qiyofada? Negadir siymoying nurni eslatar. Shunchalik ham yaxshi odam bormikan? Sirli, shirin so'zing - har tun allalar. Yaxshisan, shunchaki, juda yaxshisan, Bilmadim, sevgi deb atash mumkinmi? Teran fikrlaring, g'aroyib… Ochish/sharhlash

2022-09-04 22:03:33 Tabibimga...

Farishtasan balki, yot qiyofada?
Negadir siymoying nurni eslatar.
Shunchalik ham yaxshi odam bormikan?
Sirli, shirin so'zing - har tun allalar.

Yaxshisan, shunchaki, juda yaxshisan,
Bilmadim, sevgi deb atash mumkinmi?
Teran fikrlaring, g'aroyib ba'zan:
"Faqat bu dunyo deb yashash mumkinmi?"

Uchrashgan kunimga rahmat, avvalo,
Sendek kuchli inson - yaqinim bo'ldi.
Allohga hamd bo'lsin, ko'rsatganiga
O'zgartirding meni - yarimim to'ldi.

@realseva Ochish/sharhlash

2022-09-03 18:04:18 U shunchalik hissiyotlarga berilib o'qirdiki, undan keyin kitobning varag'i tekislanmasdi.

@realseva Ochish/sharhlash

2022-09-03 06:01:58 Men tengilar sevgi va baxt og'ushida mast yurgan paytlar, men ushbu atamalarning tushunchasini anglay olmay kun o'tkazardim.

Sevgimni inson qiyofasida ko'ra olmay, baxtimni hozirgi kunlarimda his qila olmay, ruhiyatim o'zini kishanlangandek tutardi.

@realseva Ochish/sharhlash

2022-09-02 22:55:01 o'ziga manfaat bo'lmasa, yaxshilik qila olmaydigan darajada xudbinlashib ketyapmiz.

@realseva Ochish/sharhlash

2022-09-02 22:00:22 Hayotdan nolima, bari o'tkinchi,
O'n besh kun qorong'u, o'n besh kun yorug'.
Atrofda quyosh bor, har tong kulguvchi,
Qara, Alloh nurdan qilmadi forig'.

Bir kam dunyo ekan, bitta kam dunyo,
Hammasi kutganday bo'lavermaydi.
G'ubor to'la dunyo, to'la g'am dunyo,
Har safar omading kulavermaydi.

Eshit, do'stim, she'rdan xulosa qilgin,
Yuzdan kulgu ketmasin, qalbdan quvonch.
Kelajak qo'lingda, kuchlisan, bilgin,
Senga ishonuvchi qizaloq - Sevinch.

yakuniy 6-qism, e'tibor uchun rahmat.
@realseva Ochish/sharhlash