Бугун Компас Консалтинг жамоамиз билан Зум программаси орқали | Compass Consulting

Бугун Компас Консалтинг жамоамиз билан Зум программаси орқали онлайн учрашув/йиғилиш ўтказдик. Мақсад - компаниямиз стратегиясини янгиттан кўриб чиқиб, қанчалик миссиямиз ва қадриятларимизга муносиб равишда ишлаётганимизга бахо бериш ва нима ўзгаришлар қилишимиз лозимлигини мухокама қилиш эди.

Учрашувда рўй берган жараён жамоа ичида мулоқотни кучайтириб команда рухиятига ҳам ижобий таъсир ўтказиш эди. Шахсан ўзимда ҳам бугунги кунда рўй бераётган пандемия муносабати билан ҳар хил кечинмалар бўлиб, яширишнинг хожати йўқ: хавотир, хаяжон ва қўрқув каби хиссиётлар хам бўлиб ўтди. Бу хавотирлар аввалом бор яқинларимни ва ўзимни соғлигим, қилаётган ишимизни хозирги ахволи ва келажаги, умуман олганда жамиятимизнинг ахволи ва келажаги билан боғлиқдир.

Бу борада кўп маслахатлар берилади турли манбаларда. Мен учун энг кўп фойда келтирган нарса: шукронани кўпайтириш, оила билан биргаликда фаоллик олиб бориш (уй юмушларида қатнашиш, дарс қилиш каби), китоб ўқиш, яқинлар билан телефон орқали бўлса ҳам мулоқотда бўлиш.

Хусусан, бугунги йиғилишда жамоа аъзолари билан бу мавзуларни мухокама қилиш хам яхши далда берди. Қилинаётган ишда бир ўзим эмас эканман, жамоа билан бирга эканман деган фикр ва хиссиёт стратегия ва системалар устида яна қаттиқроқ ишлашга яхши рағбат бўлди. Жамоа аъзоларига ҳам шунақа ижобий таъсир бўлди деб таъкидлашди ўзлари хам.

Сизлар ишхоналарда мулоқотларни қандай ўтказяпсизлар? Нима натижалар бўляпти?