Темир йўл бўйлаб ўрганишлар давом эттирилди
Чортоқ тумани ҳокими Анваржон Отаходжаев бошчилигида мутасадди раҳбарлар темир йўл бўйлаб 5 километрдан ортиқ масофада пиёда юриб, ҳақиқий ҳолат билан танишиб чиқдилар.
Ўрганишлар давомида йўл-йўлакай темир йўлнинг “А.Навоий”, “Ифтихор”, "Навбаҳор", "Ласкидон" маҳаллаларидан ўтган ҳудудлари бирма-бир кўздан кечирилди.
Темир йўл бўйлаб пиёдалаб юриш жараёнида ҳар бир фермер, деҳқон хўжаликлари ва томорқа ер эгалари билан суҳбатлашилиб, тозалов ишларини олиб бориш, ариқ-зовурларни чопиш, дарахтларни оқлаш, ғалла парвариши бўйича кўрсатма ва тавсиялар берилди.
Масъулларга кечиктириб бўлмайдиган муҳим вазифалар белгилаб берилди.
@CHORTOQLIKLAR24 – тезкор ва ишончли хабарлар макони!!!