АЙИҚНИНГ СЎНГГИ СЎЗИ
Тоғдан тушиб келдим излаб егулик,
Истамадим асло кимсага озор.
Нетай - номим чиққан махлуқ дегулик,
Есам-емасам ҳам - оғзимда қон бор.
Тушунмадим - ажиб яшар одамлар,
Оч қолса кемирар номусу орни,
Бир-бирини ғажиб яшар одамлар,
Айиқ айиқ еганин кўрганинг борми?
Айтасан: айрилганни айиқ ейди деб,
Тирқиратиб қувмоқ сабаби шулдир.
Инсонликни ўзга биласан-ку зеб,
Аввал ичингдаги махлуқни ўлдир...
Нуриддин Эгамов.
➥#ТАРҚАТИНГ
ЧИРОҚЧИЛИКЛАРГА АЪЗО БЎЛИНГ!
➥ https://t.me/+n7zaepN55LcwNzMy
