2021-05-26 09:44:00
Baxt nima? Bu savolga har kim o'zining holati, yoshi, jinsidan kelib chiqib har xil javob beradi deb o'ylayman. Lekin shuni aytish mumkinki, baxt moddiyat emas! O'zi moddiyat bo'lmagandan keyin uning joylashuv o'rni ham, qachon kelib, qachon ketishi ham moddiyatga bog'liq emas! Shubhasiz uning joyi qalbning to'risidir! Kimki qalbxonasini Qur'on nuri bilan nurafshon etib, uni pok saqlashga intilsa, uning to'risiga Alloh bir baxtni joylab qo'yadiki, buning bahosi yo'qdir.
Har doimgidek o'z fikrimni aytishga ijozat bersangiz!
Baxtning avvali Alloh rizosi va Rosululloh (s.a.v)ning shafoatlaridir. Bundan tashqari hayotimdan oladigan bo'lsam, toatdan uzoqlashganimda Alloh barcha yo'llarni berkitib, faqat O'zining yo'lidan yursamgina, qalbimga sakinat, hayotimga ma'no kirgizishidir. Men uchun baxt shuning o'zi.
Alloh milliard insonlar ichida bizni baxtlilar orasida yaratdi. Albatta, atrofimizni baxt bilan qurshab qo'ydi. Eshitish uchun quloq, ko'rish uchun ko'z bo'lganidek, bu baxtni his qilishimiz uchun qalbni ham berib qo'ydi. Afsuski, kimdir uni masiyat botqog'iga botirdi. Yana kimdir esa, toatda yurib uni bog'ga aylantirdi!
P.S: Do'stlar qalbxonamizga nazar tashlaylik. Uning to'risiga munosib baxtni, Allohdan Uni poklab yod etgan holda so'raylik! @mohirbek_blog
238 views06:44
J
