2023-01-06 01:11:37
Men o'shaman telba Majnuning
Manzilgohim seni dargohing
Ko'zim yoshga limo-lim bugun
Gulim mani hamrohim o'zing.
Ishqim to'ldi qalbga sig'maydi
Hijron ezib bag'rim tig'laydi
Manzil yiroq, dilim yig'laydi
Gulim mani tilagim o'zing.
Boshim olib yo'lga tushaymi
Vodiyungga borib yetaymi
Toshkentimga olib ketaymi
Gulim mani orzuim o'zing.
Axtaraman ishqning qasridan
Asling sani pari naslidan
Go'zalroqsan bahor faslidan
Gulim mani go'zalim o'zing.
Visolingga oshufta dilim
Ajratolmas hattoki o'lim
Bir qil Alloh bu hayot yo'lim
Gulim mani so'rog'im o'zing
Gulim desam, lola gulimsan
Ko'zi to'la jola gulimsan
Qoshi qaro, hur sunbulimsan
Gulim mani malagim o'zing.
Jonim fido, olgin jonimni
Mayli to'kkin, oqiz qonimni
Ayamayman hatto borimni
Gulim mani hayotim o'zing.
Men kim bir oddiy inson
O'zimga bek, o'zim xon
Azizbek ismim bir jon
Gulim mani sevinchim o'zing
Azizbek Norqulov
54 views22:11