𝚄𝚌𝚑𝚛𝚊𝚜𝚑𝚞𝚟 (Бўлган воқеа) Қизнинг отаси ва бўлажак куёв яқин | By heart

𝚄𝚌𝚑𝚛𝚊𝚜𝚑𝚞𝚟

(Бўлган воқеа)

Қизнинг отаси ва бўлажак куёв яқиндан танишиш мақсадида учрашиб олишибди. Ота ўз шартларини айтибди: "Қизимни ҳимоя қиласиз, наинки ўзини... обрўсини, иззатини, соғлиғини, иффатини. Мен шу кунгача уни авайладим, асрадим... Энди сизга омонат қилиб топшириш арафасидаман... Илтимос, ўғлим омонатга хиёнат қилманг!"

Тўй бўлибди... Куёв омонатдор экан... Устига-устак қайнотанинг салобати босиб, шу кунгача куёв, келин билан бирон марта жанжаллашиб, гап талашишмаган экан.

Тинчлик сирини айтайми... Ота куёвга бир марта гапирган бўлса, қизига ҳар сафар насиҳат қилар экан: "Қизим эрингни обрўсини сақла, уни эҳтиёт қил, авайла. Куёвимдакаси ҳозирги замонда топилмайди. Бундай йигитлар камайиб кетишган. Унинг қадрига ет! Эринг тиллага тенг бола! "

Оиласидаги баъзи ишларни айтмоқчи бўлиб, оғиз жуфтлаган қизнинг оғзи, отанинг насиҳатидан кейин очилмай қолавераркан. Ҳозирда ёшларнинг беш фарзандлари бор экан, машааллоҳ...

𝚉𝚞𝚕𝚏𝚒𝚢𝚊 𝙼𝚊𝚑𝚖𝚞𝚍

Instagramdan olindi