8 сентябрь куни Ўзбекистон кубоги-W ¼ финалига қуръа ташланади | FC BUNYODKOR
8 сентябрь куни Ўзбекистон кубоги-W ¼ финалига қуръа ташланади
Ўзбекистон аёллар терма жамоасининг режаси ҳаддан ташқари кеч тасдиқланиши ва бунда ФИФА кунлари чегарасидан чиқилиши оқибатида ЎзПФЛ чемпионат тақвимини яна ўзгартиришга мажбур бўлди.
Бизга маълум бўлишича, аёллар термаси Япониядан 14 сентябрь куни қайтиб келади (ФИФА кунлари 7 сентябрь куни якунига етади). Шундан келиб чиқиб, чемпионатнинг 15-тур учрашувлари 19 сентябрь куни бўлиб ўтади. Мос равишда кейинги тур ўйинлари 23 ва 28 сентябрь кунлари ўтказилади. Ўзбекистон кубогининг ¼ финал ўйинлари 2 октябрга кўчирилди. 3-11 октябрь оралиғи эса аёллар учун навбатдаги ФИФА кунлари сифатида белгилаб қўйилган.
ЎзПФЛ кубокнинг ¼ финали учун 8 сентябрь куни қуръа ташлайди. Одатга кўра қуръа ПФЛнинг ижтимоий тармоқлардаги саҳифалари орқали жонли эфирга олиб чиқилади.
