BSHStarix

2022-07-02 07:15:56 Ochish/sharhlash

2022-07-01 18:19:06 Ҳурматли, абитуриентлар! Сизлардан илтимос, қаерда ўқиш ниятингиз бўлса, ҳозирдан ўша ерга топширинг. Переводни унутинг.

Мевачилик ва узумчиликка кириб, кейин шифокор бўламан, деган хомхаёлларни миянгиздан чиқариб ташланг. Мевачилик қаердаю тиббиёт қаерда.

Шифокор бўлмоқчимисиз, марҳамат, ҳозир яхши ўқинг ва жиддий тайёрланинг, тиббиёт йўналишларидан бирига топшириб, юқори балл билан талаба бўлинг.

Лекин “кейин перевод қиволаман” деган кўзбўямачиликка борманг, Худо хайрингизни берсин, илтимос.

Яна бир илтимос, қайси ҳудудда ўқиш сизга қулай бўлса, ўша ҳудудга топширинг.

Балл пастроқ бўларкан, деб узоқ ҳудудга ҳужжат топшириб, ўқишга киргач, 1 йилдан кейин “вой-дод, бу ерда қийналиб кетдимку, бизни дардимизни ҳам эшитадиган одам борми, мени яшаш жойимга, ота-онамнинг олдига перевод қилинглар” деб нолиб юрманг. Сизни ҳеч ким бошқа ҳудудга топширсин, деб мажбурлаётгани йўқ, қарорни ўзингиз мустақил қабул қиляпсиз, демак, ўзингиз жавоб беринг энди шунга.

Шароитингиз бўлса, бошқа ҳудудга топширинг, шароитингиз бўлмаса, топширманг. Переводдан умид қилманг. 99% ҳолатда перевод қилолмайсиз.

Келажагингиз учун масъулиятли бўлинг, қарор қабул қилишда жиддийроқ ёндошинг.


@xushnudbek Ochish/sharhlash

2022-06-30 11:47:08 Нега Дипломатия университети ДТМ сайтида чиқмаяпти?

ЖАВОБ: Чунки Жаҳон иқтисодиёти ва дипломатия университетида тестдан олдинги бирламчи имтиҳон ҳам бўлади. Яъни бирламчи имтиҳондан ўта олмаганлар, тестга киритилмайди.

Шу сабабли ҳозирча ДТМ сайтидан ЖИДУни танлаш имкони йўқ.

Унда қаердан ҳужжат топширсак бўлади?

Aбитуриентлар https://admission.uwed.uz манзилида онлайн ариза тўлдиришади.

Aризалар 2022 йил 5 июлгача қабул қилинади.

ЖИДУ дастлабки имтиҳонидан ўта олмаган абитуриентлар бемалол кейинчалик ДТМ сайтида бошқа 5 та йўналишни танлашлари мумкин бўлади.

Дастлабки имтиҳон ЖИДУ ҳудудида 1-7 июль кунлари ўтказилади.

Дастлабки имтиҳон ҳақида батафсил маълумот:
https://uwed.uz/uz/announcements/view/104

ЖИДУ йўналишлари ва тест ўтадиган мутахассислик фанлар мажмуаси рўйхати:

1) Халқаро муносабатлар

Тарих (3,1 балл)
Чет тили (2,1 балл)

2) Сиёсатшунослик

Тарих (3,1 балл)
Чет тили (2,1 балл)

3) Халқаро иқтисодиёт ва менежмент (минтақалар ва фаолият турлари бўйича)

Математика (3,1 балл)
Чет тили (2,1 балл)

4) Юриспруденция (халқаро ҳуқуқий фаолият)

Тарих (3,1 балл)
Чет тили (2,1 балл)


@xushnudbek Ochish/sharhlash

2022-06-30 11:24:40 Bunda 2 ta narsa muhim. Birinchisi, Sh. Badriddinov ishi bo'yicha sud majlisidan lavha. Ikkinchisi, 1929-1940 yillarda amalda bo'lgan alifboning ko'rinishi. Ochish/sharhlash

2022-06-30 11:23:11 "Qizil O'zbekiston" gazetasining 1932- yil, 11-may sonidan parcha. Ochish/sharhlash

2022-06-30 03:53:15 Daryo: Surxondaryoning Xatak g‘orida yana bir neandertal odam makoni aniqlandi — https://daryo.uz/2022/06/29/surxondaryoning-xatak-gorida-yana-bir-neandertal-odam-makoni-aniqlandi/ Ochish/sharhlash

2022-06-29 22:04:26 Юриспруденция йўналиши учун сиртқи таълимга ҳам квота ажратилди
#abituriyent

Ўтган сафар каналим орқали давлат қабул параметрлари тасдиқланган Президент фармойишини таҳлил қила туриб, юриспруденция йўналиши бўйича Ўзбекистонда 16 та ОТМ талабалар қабул қилиши, шунингдек ушбу йўналишга сиртқи таълим учун жорий йилда квота ажратилмагани ҳақида ёзган эдим.

Аммо сиртқи таълим шаклида давлат гранти йўқлиги, фақат тўлов-контракт бўйича талабалар қабул қилиниши сабабли молиявий мустақиллик берилган ОТМлар ўзлари мустақил равишда сиртқи учун ҳам квота тасдиқлай олишлари ёдимдан кўтарилибди, узр сўрайман.

Бугун эълон қилинган квоталарга қарасак, юриспруденция йўналиши учун 8 та ОТМда сиртқи таълим шаклида жами 550 та квота ажратилган. Булар қуйидагилар:

1) Ўзбекистон миллий университети — 25 ўрин
2) Бухоро давлат университети — 25 ўрин
3) Қорақалпоқ давлат университети — 25 ўрин (10 ўзбек, 15 қорақалпоқ)
4) Наманган давлат университети — 50 ўрин
5) Самарқанд давлат университети — 25 ўрин
6) Термиз давлат университети — 50 ўрин
7) Фарғона давлат университети — 50 ўрин
8) Тошкент давлат юридик университети — 300 ўрин (200 ўзбек, 100 рус)

my.dtm.uz сайти орқали ҳужжат топшираётганда бемалол ушбу ОТМларни танлашингиз мумкин бўлади.


@xushnudbek Ochish/sharhlash