Oʻzimdan iborat!

2022-12-26 10:39:08 Men sizni ko‘rmadim, necha kun bo‘ldi,
Necha kun kulchadek kuydi tunlarim.
O‘ldi, o‘rtamizda nimadir o‘ldi,
Men faqat yig‘ladim!

Hukmlar beribsiz: Hammasi tamom!
Havolar yetmadi, faqat yutindim.
Bas, meni yo‘qoting endi batamom,
O‘tindim!

O, ko‘nglimni emas, g‘amni o‘ldiring,
Ishqni o‘ldirmoqqa ustasiz axir.
Azizim, azizim siz sharhlab bering,
Bu nechuk taqdir?

Qismat kitobimiz topganda zavol,
Yangi sahifadan boshlab bo‘lmasmi?
O, sizdan ayrilgan har qanday ayol,
O‘lmasmi?

Azizim, eng yorug‘ manzilga yeting,
Ketarkansiz qalbga qayg‘ungiz to‘ldi,
Iltimos, siz meni o‘ldirib keting,
Yashagim keldi! Ochish/sharhlash

2022-12-26 10:33:27 Дедим: Дуойим мўл, ижобат қани?
Деди: Гуноҳинг мўл, ҳижолат қани? Ochish/sharhlash

2022-12-25 20:34:36 Xudodan oʻzgaga ishonmay qoʻydim! Ochish/sharhlash

2022-12-25 20:33:40 Go‘zallik, poklikdan uyalib,
qisilib, qimtinib turasan,
qop-qora devorga suyanib,
yop-yorug‘ xayollar surasan.

Iloham, tong kabi yuzingga
hirslanib, hezlanib boqarlar,
ko‘zlarin qoqarlar ko‘zingga,
qalbingni azoblab yoqarlar.

Yiqilma, o‘zingni ushlagin,
otsinlar jaholat toshini,
labingni qattiqroq tishlagin,
ko‘rsatma ko‘zlaring yoshini. Ochish/sharhlash

2022-12-25 13:56:04 Boʻy yetgan qiz, uchirma qush uchar ketar,
Bir kun suyib, begonani quchar ketar
Erta ismim yodingizdan o'char, ketar,
Qiz bolaning vaʼdalari boʻy yetguncha...

Erta ismim yodingizdan o'char, ketar
Koʻngil uchun yigʻlab turing, toʻy oʻtguncha... Ochish/sharhlash

2022-12-24 13:53:27 Қайтдим, мен борарим ўша, манзиллар ўша,
Аламлар ўшадир, ҳазинлар ўша.
Йигирма ёшимга беш фасл қўшиб,
Бир кунда ўзгарган фасллар ўша. Ochish/sharhlash

2022-12-22 17:37:40 Kutganimiz kutilgandek boʻlmasachi? Ochish/sharhlash

2022-12-22 17:35:27 Qaydasan, yo‘q odam,
yo‘qolmaganim? Ochish/sharhlash