Joriy yilning 1 sentyabridan 2024 yilning 31 dekabriga qadar yakka tartibdagi tadbirkorlar o‘zlarining shaxsiy yoki ijaraga olingan avtomashinalarida yo‘lovchi tashish huquqiga ega bo‘ladilar. Bundan tashqari, litsenziya olish uchun avtomobil 10 yoshdan kichik bo‘lishi kerakligi haqidagi talab ham bekor qilinadi.
Qayd etilishicha, haydovchini tibbiy ko‘rikdan o‘tkazish va avtomobilni texnik ko‘rikdan o‘tkazish yiliga bir marta o‘tkazilishi kerak bo‘ladi.
Yo‘lovchilarni tashish bo‘yicha faoliyatni amalga oshirish uchun litsenziya berganlik uchun davlat boji miqdori 300 000 so‘mni tashkil etadi.
