#longread Mingta ham kitobi sotib olinmaydigan yurtda shoirn | Bookonomika📚

#longread

Mingta ham kitobi sotib olinmaydigan yurtda shoirning, umuman, adabiyotning qadri qanday o'zi?

"Izlam" to'plamidagi "Jazba" she'riy kitobi bor yo‘g‘i 1500 nusxa bosilgan. Shunga qaramay, hozirgacha 600 ga yaqini sotilibdi xolos. Bu nashriyot eʼlon qilgan rasmiy maʼlumot deyapti shoirning o'zi.

Nashriyot obro'li, xodimlar professional. Shoir iste'dodli. Muhtasham zalda tantanali ravishda kitoblar taqdimot o'tkazildi, shoirlar chiqishlar qilishdi. Chop etilgani haqida hamma joyda e'lon berildi. Lekin...atigi 600 dona. (Uniyam 2 tasi o'zimda, Jontemir dastxati qo'yilganini sotib olganman, boshqasini nashriyot sovg'a qilgan).

Bilsangiz, bosmaxonalarda kitob chiqaradigan ulkan stanoklar joylashgan. Odatda ular katta-katta tirajni bosib chiqarishga moslashgan bo'ladi, ular uchun 1000 ta adad - bu juda kam. Qo'pol qilib aytganda sarflaydigan bo'yog'iga arzimaydi. O'shanchun kitoblar qimmatlashadi. Bu ketishda o'sha stanoklar bir kunmas bir kun ishlashdan to'xtashi aniq.

Qizig'a, nega bunday? Bizda kitob sotib olishga ishtiyoq yo'qmi yoki mablag' yetishmaydimi? Yoki boshqa sababmi? Toshkentku mayli, butun boshli viloyatlardan nega katta buyurtmalar tushmaydi, joylardan talab etilmaydi? Men faqat bu kitobni nazarda tutmayapman. Buni sher'iy kitob desak, ilmiy-ommabop asarlar haqida gapirmasam ham bo'ladi.

Nahot 36 millionlik aholisi bor davlatda badiiy-ilmiy kitoblar mingtayam sotilmaydi? Savollar jdua ko'p, javoblar esa yo'q.

@panda_books