ЎҚУВЧИМ, СЕН БУГУН ТАЛАБА БЎЛДИНГ Синфдошинг билан парта тала | Bolajonlar uchun Ingliz tili

ЎҚУВЧИМ, СЕН БУГУН ТАЛАБА БЎЛДИНГ

Синфдошинг билан парта талашиб,
Ўн бир йил вақтни ўтказиб қўйдинг.
Ўқидинг, изландинг, мана ниҳоят,
Ўқувчим, бугун сен талаба бўлдинг.

Отанг табрикларга кўмилди буткул,
Ўзинг-чи? Бир олам қувончга тўлдинг.
Онанг шодлигининг чеки йўқ, чунки,
Ўқувчим, сен бугун талаба бўлдинг.

Қачон тонг отдию, оқшом қай маҳал,
Билмадинг, гоҳида чарчоқдан сўлдинг.
Зумда унут бўлди барча машаққат,
Ўқувчим, сен бугун талаба бўлдинг.

Ҳар куни хавотир, минг гумон ила
Тўлғондинг, лек умид ҳиссини туйдинг.
Ойдин кечаларни ўтказиб бедор,
Ўқувчим, сен бугун талаба бўлдинг.

Гулгун чеҳранг узра табассум ўйнар,
Ниҳоят юракдан, чин қалбдан кулдинг.
Устозлар юзини нурафшон айлаб,
Ўқувчим, сен бугун талаба бўлдинг.

Сарвара Эшонхонова