Биласанми... сенсизлик адо қиляпти, Юрагимда мудом битмас жарохат. Унутмоқ истайман барин - фойдасиз, Танамда жоним йўқ - қуруқ бир савлат. Соғинчинг эзади ўтиб жонимдан, Бепарво тутаман бермай эътибор. Бўғзимдан олса ҳам ичиб қонимни, Дейман ўзингни бос, сабр бор сабр... Худди ёз ёмғирига ўхшайсан жоним, Шариллаб ёғдингу бирпасда тиндинг. Тузукроқ томчингдан ҳузур олмадим, Булутсан шамолдай елдингу учдинг.... Юзимни тутганча термулиб қолдим, Самода пар каби булутларинга. Розийдим бир бора ёғсанг қуйилиб, Жиққа хўл бўлсам ҳам томчиларингга.... Сўнг ҳис қилсам илиқ нафасларингни, Ёмғирдан кейинги ҳидларинг ҳидлаб. Бир умр ёдимда шундайин қолсанг, Юзларимдан томган томчидек ёдлаб.. Ҳамон кутаяпман чиқмас дарагинг, Умрнинг шомидек кечикдинг бунча?! Шошил, тезроқ англа бугун керагинг Вақт ҳам кутмас эрта шафак чиққунча.... Инобат Рузибоева Оила даврасида кузатамиз https://telegram.me/joinchat/Q811fhHdEv1hMGFh 1.8K views13:34
