ЮРАГИМГА ЯҚИН ОДАМЛАР Балким укам, балким оғамсиз, Ё амаки, ёки тоғамсиз. Сиз борсиз-ки ўтарман ғамсиз, Юрагимга яқин одамлар!.. Синглим дейми дилим порасин, Дарди бўлса, топай чорасин. Менга меҳр билан қарасин, Юрагимга яқин одамлар!.. Опаммисиз ёки кеннойим, Холам, аммам - талпинган жойим. Кўнглим тўлар сиз билан доим, Юрагимга яқин одамлар!.. Қани онам бўлсайди ҳаёт, Қани отам юрсайди соғ, шод. Татимайди уларсиз ҳаёт, Юрагимга яқин одамлар!.. Дўстларим бор - қадрдонларим, Меҳрибондан меҳрибонларим. Садқа бўлсин сизга жонларим, Юрагимга яқин одамлар!.. Бордирсиз-ки, бахт менга ҳамроз, Сизни қанча эъзозласам оз. Кўнглингизга кўнглим поёндоз, Юрагимга яқин одамлар!.. Акрамжон АЗИЗОВ Оила даврасида кузатамиз https://telegram.me/joinchat/Q811fhHdEv1hMGFh 2.2K views10:25