ШИРИН СЎЗИМ- СEН ЖИЯНЖОНИМ Меҳрибоним, сен менинг жоним, Фари | ЖАННАТИМ ОНАМ ДАВЛАТИМ ОТАМ 💖
ШИРИН СЎЗИМ- СEН ЖИЯНЖОНИМ
Меҳрибоним, сен менинг жоним,
Фариштамсан, жаннат райҳоним,
Ортимдаги давомчим, қоним,
Ширин сўзим — сен жиянжоним.
Дунё ичра гўзалим ўзинг,
Кулишларинг, ёқади сўзинг,
Қувонч билан кулади юзинг,
Ширин сўзим — сен жиянжоним.
Яхши-ёмон кунимда ҳар он,
«Аммажон» деб келасан шодон,
Сен учун ҳўп, берайин мен жон,
Ширин сўзим — сен жиянжоним.
Сени кўрсам, укам кўргандай,
Ака - синглим ёнда тургандай,
Ўхшайсана, бунчалар вай-вай,
Ширин сўзим — сен жиянжоним.
Келасан сен ҳар доим йўқлаб,
Эритасан қалбимни чоғлаб,
Фахр билан айтаман мақтаб,
Ширин сўзим — сен жиянжоним.
Сени кўриб, оламан даво,
Эзгуликни кўрайин раво,
Қўлим очиб, қилайин дуо,
Ширин сўзим — сен жиянжоним.
Солиҳабегим
(Дилафруз Шаҳирхоний)
Яқинларизга хам Улашинг
@baxtimsiz_onajon
