ЯХШИЯМ СEН БОРСАН ЖИГАРИМ Бирга ўйнаб кулиб ёшликда, Улғайдик бир ҳовли эшикда. Катта бўлдик битта бешикда, Яхшиям сен борсан жигарим. Бир қориндан тушдик талашиб, Бир бирига роса ярашиб. Ишларимга турган қарашиб, Яхшиям сен борсан жигарим. Мен тинч бўлсам ҳаловатлигим, Оқибатлик диёнатлигим. Эх ўзимнинг қиёматлигим, Яхшиям сен борсан жигарим. Томирдаги қонимда ўзинг, Ёмон кунда ёнимда ўзинг. Жонинг куйиб жонимда ўзинг, Яхшиям сен борсан жигарим. Қайғурасан бўлса ташвишим, Бегонага қолдирмай ишим. Энг яқиним энг азиз кишим, Яхшиям сен борсан жигарим. Онамдайин меҳрибонгинам, Отамдайин қадрдонгинам. Файзинг билан тўлар ёнгинам, Яхшиям сен борсан жигарим. Одилбек Қодиров Каналга обуна бўлиш учун ушбу линкни босинг https://t.me/+-KH-xRVaNU9hMThi 24.7K views11:14
