Ҳадиси шарифларда келадиган бу сўз умуртқа поғонасининг охирида жойлашган ачитқи уруғича суякни англатади. Унинг ҳар қандай ҳолатда ҳам ўзгармай тураверишини ҳозирги замон илми ҳам тасдиқлади.
Одам ўлиб, ерга кўмилганидан сўнг унинг вужуди чириб, тупроққа қўшилиб кетади. Аммо мазкур Ажабуз-занаб қолади. Худди ёмғир ёққанда ўсимликнинг уруғига ёмғир таъсир қилиб, униб чиққандек, Қиёмат қоим бўлганда одамнинг жасади ҳам ундан униб чиқади.
