ШОИР ЖАМШИД АКБАРОВГА БАНКИРЛАРДАН Ётган эдик мудроқ босиб би | 🇺🇿Банкир кундалиги

ШОИР ЖАМШИД АКБАРОВГА
БАНКИРЛАРДАН

Ётган эдик мудроқ босиб биз ғафлатда,
Шеърингиздан кетдик жуда ҳам мавжланиб.
Раҳмат сизга, қолган эдик аросатда,
Энди аниқ кетамиз биз ривожланиб.

Банкирларнинг уйғонгани рост бўлсин деб,
Чиқмасангиз бизга ҳеч ким қайғурмасди.
Қилар иши амалига мос бўлсин деб,
Ғамхўр бўлиб бошимизда ҳам турмасди.

Банкирлари хор бўлмагай ушбу кунда,
Мақтаб турса шоирлари сизлардайин.
Уйғониш-чун ухлаш керак асли тунда,
Энди шу ҳам қўлимиздан кетгандайин.

Йўлимизни тополмайин юрган эдик,
Кўрсатдингиз йўлни биздай ношудларга.
Олға юрмай биз бир жойда турган эдик,
Катта раҳмат банкирлардан Жамшидларга!

@bankirkundaligi