Айрим провокаторлар яқинда Тошкентда бўлиб ўтган Осиё чемпионати ўйинларидаги мухлисларни ҳозирда Нукус кўчалари деб талқин қилмоқда. Видеода Ўзбекистон байроғини кўтарган одамларнинг “Ўзбекистон” деган ҳайқириқлари эшитиляпти. Интернетдан узилган одам агар тасодифан бу видеони кўриб қолса, унинг фейк хабар эканини фаҳмлай олиши қийин.
Бугун душман армия билан эмас, сўз, фикр, хабар билан кириб кела оладиган овозсиз жанг полигони — ахборот майдони бор. Айтишларича, Қорақалпоғистонда интернетни ўчириб қўйишган экан. Айни дамда глобал давлатлар ўртасида геосиёсий курашларнинг оқибатларини камайтириш ва янги “катта ўйин” (“big game”)ни бошлашга бўлган ҳаракатларнинг олдини олиш учун интернетни ёқиб, ахборот майдонига қўрқмай кириб бориш керак. Интернетсиз қолган оломон ибтидоий даврларга хос яшайди — маълумот ва янгиликларсиз қолиб кетган одам, табиийки, хавотирда кўчаларга чиқади. Аксинча, айни дамда одамларни сифатли ва холис маълумотлар билан тинчлантириш керак.
@fayzboguz
