ҚАЛБИНГИЗ СОҒ-САЛОМАТМИ Ё КАСАЛМИ ЁКИ ЎЛГАНМИ? Баъзиларнинг | Ayollar madrasasi - Abdulhadiy Domla darslari

ҚАЛБИНГИЗ СОҒ-САЛОМАТМИ Ё КАСАЛМИ ЁКИ ЎЛГАНМИ?

Баъзиларнинг қалбида, Аллоҳ айтганидек, «мараз» бор.

﴿في قلوبهم مرض فزادهم الله مرضا﴾

Баъзиларнинг қалби. қинғир-қийшиқ.

﴿فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ﴾

Баъзиларнинг қалби тошдан қаттиқ.

﴿ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ﴾

Баъзиларнинг қалби шаҳватга тўлган. У қалб эмас, исловотхона. Унда шаҳватдан бошқа нарса йўқ! У қалбни хотинлар шаҳвати ишғол қилган. Икки кўзи айғоқчи. Фақат хотин ахтаради Қаерда хотин кўрса, қалбга сотади.

Баъзиларнинг қалби ошхона. У ерда овқатдан бошқа ғам йўқ.

Баъзиларнинг қалби банк. Таъбир жоиз бўлса, қалб пул, мол-дунё қабристонига айланган.

Баъзиларнинг қалби — қордек оппоқ, яъни касал эмас, соппа-соғ.

Савол туғилади: сизнинг қалбингиз қандай қалб? Маразми, шаҳватпарастми, ғофилми, тошдек қаттиқми ёки қийшиқми?

Қалб соғми, касалми?

Буни билиш осон.

Бунинг аломатлари бор!

Агар қалб охират ишига ошиқса, талпинса, билинг, бу қалб саломат қалбдир.

Дил ибодат мавсимларини яхши кўрса, ибодатни биринчи ўринга қўйса, демак у Саломат Қалбдир.

Агар қалб ибодат мавсимида дангсалик қилса, эринса, демак у касалванд, ногирон қалбдир.

Азиз биродарлар!

Мана эртага якшанба «тосуо» кириб келади, яъни Муҳаррам ойининг тўққизинчи куни.
Душанба эса ОШУРО.

Ошуро — Ўнинчи муҳаррам.

Шу кунларда рўза тутиш суннат!

Қалбингиз шу улуғ айёмлар учун қувонса, амали солиҳларга суюниб талпинса, билинг, қалбингиз соппа-соғ экан...

Жалол Иброҳим.

"IslomYoʻli" саҳифаси
•••┄┄┄┄┄༻❅༺┄┄┄┄┄•••

Youtube | Facebook | Telegram | TikTok