2024-06-14 09:32:55
Декларантлик касби эгаси бўлиш осон эмас
Инстаграмда бир видео рекламага кўзим тушди. Декларантлик касбини шунчаки 2 ойда ўрганиб, ойига 1000 долларлик касбга эга бўлинг дейди. Бир кулгим келади бир йиғлагим. Ўзи дарахтни бир тепсанг декларант ёғиладиган замонга келиб қолган бўлсак, уни устига аксарият декларантларнинг билим даражаси юқори эмас. 2 ойда нимани ўргатмоқчи булар хайронман. Балки ростдан ҳам ўргатар, лекин мен бунга ишонмайман.
Декларация тўлдиришни кўпчилик осон деб уйлайди. Шунчаки программани очиб, шаблонларни ўзгартириб чиқсанг бўлди декларация тайёр деган фикрда юради. Лекин, декларациядаги 54 та графани низомга мувофиқ тўлдириб чиққунча одамнинг сочи оқаришини, нотўғри тўлдирилган графалар бўйича божхоначилар олдида жавоб беришини кўпчилик тушунмайди.
Унинг устига декларация тўлдириш шунчалик қийинлашиб кетяптдики, қайсидир вазирликка янги статистик ҳисобот керак бўлиб қолса дарров, 2773-сонли низомга ўзгартириш ва қўшимчалар киритилиб, тартиб ўзгартирилади. Декларантнинг иши яна қийинлашади.
Мисол учун, БЮДда импортер ёки экспертёр жойлашган туманнинг кодини киритиш, ускунани нима мақсадида ишлатилишини код орқали кўрсатиш ва хоказо. Ундан ташқари, АИК кодни киритиш мажбурий қилиб қўйилибди. Бу нарсани нима эканлигини ўрганиб олишга 1 ой вақт кетди.
Декларант бўлганингдан кейин хамма хамма этапдаги ишларни мукаммал ўрганиб олиш керак. Фақат БЮД тўлдириш билан иш битмайди. Хуллас гапирилса гап кўп.
Хулоса: декларантлик осон касб эмас, яхши касб эгаси бўлиш учун назарий билимдан ташқари камида 2 йил шогирд тушиб ишлаш керак. Бу касбнинг даромадини тажриба етарли даражага етгунга ўйлаш керак эмас... Тажриба ошгандан сўнг, пул сизнинг орқангиздан қўвиб юради.
Декларантликни ўрганмоқчи бўлиб юрганларга юбориб қўямиз.
@rastamojka_uz
14.7K views06:32
A
