2022-06-13 17:08:11
Yaxshi ko‘rgan asarimdagi tushunmovchilik
Men yoqtirgan asarlar ko‘p. Ulardan biri haqida aytib bermoqchiman. Asar nomini aytmayman. Asar fantastik. Men o'qigan birinchi fantastik janrga tegishli asar, adashmasam.
To‘g‘risini aytsam, birinchi va yagona fantastik asar bo'lsa kerak. Men o‘sha yoqtirgan asarimdan boshqa fantastik janrga tegishli asar o‘qimaganman. Lekin, o‘qish niyatim bor.
Asar qizigandan qiziydi, nimadirlar bo‘ladi. Hullas, asar sizga qanday ta'sir qiladi, bunisini bilmadimu, ammo, menga juda qattiq ta'sir qilgan. Bir nimalar bo‘lib bosh qahramonlar Italiyaga borishadi. (Bu haqda gapirib o‘tirmayman)
U yerda ko'plab yangi obrazlar (asosan salbiy qahramonlar)ni ko‘ramiz. (Ya‘ni Italiyada). O‘sha obrazlar ichida bir salbiy va katta kuchga ega bo‘lgan qahramon bo‘ladi.
Men o‘sha paytlarda haligi qahramonning faqat kuchlariga e‘tibor qaratganmanmi (mahliyo bo‘lib qolganmanmi) yoki boshqa narsalar tufaylimi, bunisini aniq ayta olmaymanu, lekin, men uni o‘g‘il bola sifatida tasavvur qilganim esimda. Ismi ham o‘g‘il bolalarga xos edi, har holda men uchun shunday ko‘ringan.
Sezib turganingizdek, o‘sha qahramon o‘g‘il bola emas, qiz bola ekan. Men buni ancha vaqt o'tgandan so‘ngina bilib oldim. Aniqroq va ochiqroq aytadigan bo‘lsam kinosini ko'rganimda aqlbovar qilmas aqlim tufayli "sezib" qoldim. (200gr yumor hissidan qo‘shvordim, xafa bo‘lmaysiz. Qo‘shmasam, postimizning ta‘mi sal g‘alatiroq bo‘lib qolishi mumkin ekan. Buni menga aqlbovar qilmas aqlim aytdi)
Nima deyotgandim, ... bo‘ldi, esladim. Demak, o‘g‘il bolamas, qiz bola ekan. To‘g‘risi, kinosini ko‘rayotganimda anchagina o‘sha qahramonni axtardim. Topolmadim. Keyin esa yuqorida ta'kidlab o'tgan haligi aqlim tufayli sezib qoldim. (Boom).
Bu postni chizmachilik darsida yozayotganim uchun (darsni nomi juda ham uzun, to‘lig‘ini aytgunumcha qo‘ng‘iroq chalinib qolishi mumkin) biroz chalg‘ishlar bo‘ldi. Meni post yozishdan chalg‘itishdi.
Hullas, aytmoqchimanki, postning ma‘no mazmuni bir-biri bilan aralashib ketgan bo‘lishi mumkin, mazur tutgaysizlar. (Aniqrog‘i mazur tutgaysiz)
Axir, bu kanalda men, men, bitta bot va kanal obunachisi sifadida ko‘rish mumkin bo‘lgan sizdan boshqa hech kim yo‘q. Agarda shu gaplarimni o‘qib, noto‘g‘ri tushungan holda siz ham kanalni tark qilmasangiz, albatta.
Tugadi, 13.06.2022, dushanba
P.s.: Ha aytgancha, postni men yozdim.
15 views14:08