2020-10-19 22:01:23
Жаҳон соғлиқни сақлаш ташкилоти бекорга қўлқопларни бефойда демаган. Ҳар ҳолда улар бизникилардан фарқли ўлароқ шунчаки осмондан олиб гапиришмайди, илмий тадқиқотлар, изланишлар қилишади. Фактларни ўрганишади.
Жамоат транспортида қўлқоп таққан инсон барибир ўз телефони, буюми, кийими, керак бўлса ниқобию, юзини ушлайди, бу эса агар қўлқоп юзасига вирус тушса, ўша инсон барибир вирус юқтириб олиш хавфини салкам муқаррар ҳолга келтиради дегани.
Ҳа, майли, кўриниб турибдики, масъуллар бу мантиқсиз қарорини зўр бериб оқлашга интилишига қараганда, халқ тўлаган солиқлар эвазига мажбурий қўлқоп тарқатиш тадбири барибир шу кунларда тўхтатилмайди. "Биз мутлоқ ҳақмиз, ЖССТ ҳам бекорларни айтибди" деган принципда бюджет пуллари ҳавога совурилишда давом этаверади.
Мен эса каналда қўлқоп мавзусида бошқа ёзмайман. Дод дейсизми, вой дейсизми, фойдаси йўқ барибир.
Дуо қиламиз, илоҳим вирус тезроқ йўқолсин ёки тезроқ давоси топилсин. Қутилайлик барчасидан. Чарчаб кетди одам.
5 views19:01
A
