Ўзбекистоннинг 7 та тиббиёт олий юқув юрти халқаро рейтингдан | Anatomiya audiodarslik

Ўзбекистоннинг 7 та тиббиёт олий юқув юрти халқаро рейтингдан ўрин эгаллади

Олий таълим муассасаларининг нуфузли халқаро рейтинги ҳисобланган “Times Higher Education” 2022 йил учун “Impaсt” рейтинги (THE Impact Rankings 2022) натижаларини эълон қилди.

Ундан илк бор мамлакатимизнинг 30 та олий таълим муассасаси ўрин эгаллади. Яна бир қувонарли жиҳати, ана шу университет ва институтларнинг 7 таси тиббиёт ўқув юртларидир.

Жумладан, халқаро рейтингда Тошкент тиббиёт академияси 52.8, Тошкент педиатрия тиббиёт институти 49.4, Самарқанд давлат тиббиёт университети 48.1, Тошкент давлат стоматология институти 47.8, Тошкент фармацевтика институти 44.1, Андижон давлат тиббиёт институти ва Бухоро давлат тиббиёт институти 43.9 балл тўплади.

Маълумот учун, ушбу нуфузли рейтингда 110 та давлатдан 1500 дан ортиқ олий таълим муассасалари иштирок этди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram