Alisher Sadullaev

2024-03-06 22:29:44 G'alabaaaaaaaa!

Nodirbek Abdusattorov Praga-2024 shaxmat festivali g'olibiga aylanib, live reytingda jahonning 4-raqamli shaxmatchisiga aylanib oldi.

E'tiborlisi, so'nggi tur oldidan Nodirbek eng yaqin ta'qibchisi bo'lgan eronlik shaxmatchi Parham Maghsoodlooga qarshi o'yinda matonatli g'alabaga erishdi. Aynan shu sifat unga oldingi turnirlarda biroz yetishmayotgan edi. Vanihoyat u hali yana bir tur, ya'ni oxirgi 9-tur bo'lishiga qaramasdan turnir g'olibiga aylandi. So'nggi turda qanday natija bo'lishidan qat'iy nazar Nodirbek chempionlikni saqlab qolaveradi.

Yana bir muhim yangilik, Nodirbek live reytingda jahonning 4-raqamli shaxmatchiga aylanib oldi. Bu endi jiddiy sakrash, do'stlar. Nodirbek shaxmat olamida O'zbekiston nufuzini oshirishda davom etmoqda.

Barakalla, Nodirbek! Ustozlaringga, ota-onangga katta rahmat. Biz sen bilan faxrlanamiz.

Chempionlik taqdirini hal qilgan o'yinni ushbu havola orqali ko'rishingiz mumkin: https://www.youtube.com/live/S3xws7RqxsM?si=GmtSRcldBftBFOJL

@alisher_sadullaev Ochish/sharhlash

2024-03-05 16:09:18 Yoshlarni nemis tiliga o'qitish bo'yicha o'quv markazlari bilan hamkorlik loyihalarini kengaytirmoqchimiz. Avval ham ishlab kelayotgan edik, lekin sifat va son bo'yicha tashabbus va takliflar bor. Ichingizda soha vakillari bormi?

O'qituvchi, o'quvchi yoki nemis tilidan ta'lim berayotgan til markazlari? Qanday fikrlaringiz bor?

Izohlarda fikrlaringizni bildirsangiz.

@alisher_sadullaev Ochish/sharhlash

2024-03-04 07:25:55 “Yosh kitobxon” tanloviga roʻyxatdan oʻtish boshlandi

Millionlab yoshlarni kitobxonlik yo‘lida birlashtirib, iqtidor egalarini kashf etayotgan “Yosh kitobxon” tanlovi uchun @yoshkitobxon_bot telegram boti orqali arizalar 1-sentabrga qadar qabul qilinadi.

Adabiyotlar ro‘yxati:
10-14 yosh
15-19 yosh
20-30 yosh

Barcha kitobxon yoshlarga omad tilaymiz! Ro‘yxatdan o‘ting @yoshkitobxon_bot

@alisher_sadullaev Ochish/sharhlash

2024-03-02 20:13:44 Hozirgina Nodirbek Abdusattorov Polshalik raqibi ustidan g'alabaga erishib, live reytingda dunyoning 5-raqamli shaxmatchisiga aylanib oldi.

Shubhasiz, Nodirbek ushbu natijalari bilan O'zbek shaxmati nufuzini butun dunyo bo'ylab yana bir pog'onaga ko'tarmoqda. Nodirbek, baraka top. Ota-onangga rahmat.

@alisher_sadullaev Ochish/sharhlash

2024-03-02 11:42:21 “Yosh kitobxon” tanlovining g’olibi Muhammadfozil Ismoilov.

Muhammadfozil hozirga qadar “Zakovat” intellektual o’yinida uchinchi va birinchi o’rin sohibi hamdir!

@alisher_sadullaev Ochish/sharhlash

2024-02-29 20:57:40 Nodirbek Abdusattorov tarixni qaytadan yozmoqda.

Nodirbek "Prague Chess Festival 2024" turnirining 3-turidagi dramatik bahsda mezbon shaxmatchi David Navarani taslim qildi. 2 kun oldin birinchi bor eng yuqori reytinga ega TOP-10 shaxmatchi qatoriga kirib rekord o'rnatgan Nodirbek, o'z rekordini o'zi yangilab hozirgi live reyting jadvalida TOP-8 pog'onagacha ko'tarildi.

O'zbek yigiti bunday yuqori marrani zabt etgani bizni cheksiz quvontirdi.

Nodirbekka bundan keyingi yuqori marralarni zabt etishida faqat omad tilab qolamiz.

YouTube | Instagram | Telegram | Tik-Tok | Facebook | Chesscom | LICHESS Ochish/sharhlash

2024-02-25 13:14:14 Davlatimiz rahbari “Yoshlarimizni mashina berib bo’lsa ham kitob o’qitamiz” degan g’oyani ilgari surgan edi.

Aslida bu nafaqat yoshlarimiz uchun balki, ularning ota-onalari uchun ham katta motivatsiya. Farzandi kitob o’qiyotganini, bilim olayotganini ko’rish har bir ota-onaning eng katta orzularidan biridir. Haqiqatdan bu tashabbus, real hayotga ko’chib millionlab yoshlarimizning kitob o’qishiga sabab bo’ldi.

Yana bir “Yosh kitobxon” 10-14 yosh toifasidagi g’olib Samarqandlik qizimiz Muhammadiyeva Nargiza Ulmas qizi bugun o’z ota-onasining va o’qituvchilarining ta’lim-tarbiyasining natijasini ko’rsata oldi.

Millatimizda Nargizadek kitobxon qizlar ko’payishini tilab qolamiz!

#kitobxon_millat

@alisher_sadullaev Ochish/sharhlash

2024-02-23 20:56:48 Prezidentimiz Shavkat Mirziyoyev “Yoshlar va biznesni qo’llab quvvatlash” yilida yoshlar bandligini ta’minlash hamda chet tillarini o’qitish bo‘yicha bir qancha tashabbuslarni ilgari surdilar.

Xususan, xususiy kurslarda o‘qib, “C-1” va “B-2” darajasi sertifikatini olish xarajatlari hamda olti oylik o‘qish puli ham to‘lab beriladi. “Ibrat farzandlari” loyihasi orqali 1 million nafar o‘g‘il-qiz xorijiy tillarga bepul o‘qitiladi.

“Ustoz” loyihasi doirasida 250 ming nafar yoshlar marketing, reklama, elektron savdo, IT-dizayner kabi 30 ta zamonaviy kasbga o‘rgatiladi. “Har bir mahalladan 2 nafar dasturchi” loyihasi belgilandi.

Bu yil yoshlarga 60 ming 500 gektar yer ajratilishi belgilandi. Shuningdek, yoshlar o’rtasida “Yosh tadbirkor” tanlovlari o‘tkazilib, g‘olib bo‘lgan biznes loyiha va g‘oyalar egalari xorijiy davlatlarga malaka oshirishga yuboriladi.

@alisher_sadullaev Ochish/sharhlash

2024-02-22 18:05:42 “Yosh kitobxon” tanlovining bugungi kunga qadar 10-14, 15-19 yosh toifasidagi final bosqichlari g'oliblari aniqlangan edi. Bugun esa, 20-30 yosh toifasidagi final bosqichi yakunlandi

1- o‘rin – Soliyeva Gulxayo Mirzaakbar qizi 335,6 ball (Toshkent shahar) –  Prezident sovg‘asi Cobalt avtomobili bilan;

2-o‘rin – Abdrimova Feruza Azamatovna 330,4 ball (Qoraqalpogʻiston Respublikasi) – 50 million so‘m pul mukofoti bilan;

3-o‘rin – Diyorova Fazilat Mamasaid qizi 314,3 ball (Surxondaryo viloyati) - 30 million so‘m pul mukofoti bilan taqdirlandi.

Shuningdek, final bosqichining qolgan barcha qatnashchilari 10 million so‘mdan pul mukofotini qo‘lga kiritdilar.

Aziz yoshlar sizlarning kitob bilan do'st tutingan holda bugungi erishgan gʻalabangiz muborak boʻlsin!

@alisher_sadullaev Ochish/sharhlash

2024-02-21 20:58:38 Prezidentimiz Qozon shahrida “Kelajak o’yinlari” birinchi xalqaro musobaqasining tantanali ochilish marosimida o’zbek tilida nutq so’zladi.

Davlat rahbari O’zbekiston 2026 yilda “Kelajak o’yinlari” musobaqasiga mezbonlik qilishga tayyorligini bildirdi.

@alisher_sadullaev Ochish/sharhlash