МЕВАЛИ ДАРАХТЛАРДА ХЛОРОЗ ТУРЛАРИ: ТЕМИР (Fe) ЭЛЕМЕНТИ ЕТИШМА | AGROBLOGER
МЕВАЛИ ДАРАХТЛАРДА ХЛОРОЗ ТУРЛАРИ:
ТЕМИР (Fe) ЭЛЕМЕНТИ ЕТИШМАСЛИГИ
Темир хлорози олма, нок, ток каби ўсимликларда учрайдиган касаллик хисобланади. Асосан, тупроқда темир тузларининг етишмаслиги натижасида содир бўлади. Касаллик яшил новдаларнинг учи ва баргларнинг рангсизлана боришидан бошланади. Кейинчалик хлорофилл ҳосил бўлмаганлигидан улар сарғаяди, майдалашади, фотосинтез сусаяди, ҳосил кам ва сифатсиз бўлади, ҳатто ўсимлик қуриб қолиши ҳам мумкин. Хлороз турлари юқумли (масалан, ток новдаларининг калта бўғимлиги) ва эдафик (ноқулай экомуҳит таъсири оқибати) турларга бўлинади.
Кураш чоралари:
Темир (Fe) моддасини сақловчи препаратларни 30-50 см чуқурликка солиш, бунда хелатланган темир тузлари жуда қўл келади. Бунда 10 литр сувга 6 фоизли Хелатланган темир кукунини 8-10 грамм қўшиб, тайёр бўлган ишчи эритмани мевали дарахтларга ёппасига пуркаш ишлари ўтказилади.
