​#ШЕЪРИЯТ ИЛТИЖО Нечук жонман, паришонман, сару по айбу нуқ | Abror Muxtor Aliy

​#ШЕЪРИЯТ

ИЛТИЖО

Нечук жонман, паришонман, сару по айбу нуқсонман,
Ёмонман, йўлдан озғонман, на инсонман, на ҳайвонман.

Абас умримни ўтказдим, гуноҳлар дафтарин ёздим,
Маосий даштида оздим, тополмай йўлни ҳайронман.

Хисолимдан уётқонман, гунаҳ лойига ботқонман,
Худойимни унутқонман, нечук дерман «мусулмонман»?!

Бўйинда ишқ завқи йўқ, дилимда Ҳақни шавқи йўқ
Тилимда тавба-тақво йўқ, ғариқи баҳри исёнман.

Қани Жамшид тахтида, Сакандар борму бахтида,
Манам ўткинчи вақтида гадоман, гарчи султонман.

Хазорон оҳу вовайло, Ўзингдин бўлмадим огоҳ,
Ҳидоят қилмасанг Аллоҳ, аро йўлларда қолғонман.

Гуноҳим ҳаддин ошди, лек ғуфронингга Рожийман,
Қиёмат шиддати ваҳми билан тарсону ларзонман.

Рожий роҳимаҳуллоҳ

t.me/mahbubiy_adabiyot