2024-05-08 16:28:33
Hayot musofirlik bilan go’zal
Vetnamga
bo’lgan sayohatimdan keyin o’zimga “Dunyoni kezmasdan ketmayman” deb aytgan edim.
Sekin-sekin amalga oshiryabmiz mana. O’zi yoshligimdan sayohatni sevganman. “Yurtimizda men bormagan joy qolmadi” deb har safar aytganimda, yana yangi lokatsiyaga borar edik…
Shu an’anani davom ettiryabman endi. Ikki oy oldingi Abu Dabi, Makka, Madina va Istanbulga bo’lgan safardan keyin, hozir o’zimizdagi shaharlarga borib chiqyabman. Keyingi oydan esa nasib yana chetga chiqamiz…
Kecha Namanganda edim, bugun ertalab Andijonda edik va hozirgina Toshkentga kirib keldik. Ertaga ertalab esa Buxoroga ketyabman…
Ishoning, o’zimni haqiqiy hayotni ta’mini totayotgandek his qilyabman. Chunki, musofirlik sizni kamfortdan chiqaradi, bir xillikni har-xillikka aylantiradi, begona insonlar bilan tanishtiradi, oldin umuman ko’rmagan joylaringizni ko’rasiz…
Faqatgina mazza qilib qolmay, ko’p narsa o’rganasiz ham. Bugun 74 yoshlik otaxon bilan bitta kupyeda 3 soatdan oshiq suhbat qurdik, oddiy misol. Ularni eshitib, oldin men umuman o’ylab ham ko’rmagan fikrlar paydo bo’ldi.
Hullas shunaqa, sayohat qilayotganlar yashaydi. Hech bo’lmasa, narigi mahallaga chiqing. Keyin shaharga, keyin viloyatlarga…
Mazasini bir his qilsangiz, o’zingizni to’xtata olmaysiz…
16.9K views13:28
A
