2022-06-10 00:51:47
Xalqimizning suyukli shoiri Sulaymon Shodiyevdan Abduhoshim Ismailov uchun she'riy tabrik.
ҒИЖЖАК
Буюк созанда ва бастакор Абдуҳошим ИСМОИЛОВга.
Қадрли Абдуҳошим ака! Таваллуд топган кунингиз муборак бўлсин. Оилангиз, санъатимиз, халқимиз бахтига ҳамиша омон бўлинг.
Камончани тортинг, қилдай ҳар нола
Қирқ минг садо берсин дил гумбазида.
Жонларнинг риштаси бўлсин минг тола,
Ҳайрат-ҳаяжонлар бўсағасида.
Камончани тортинг, юмилган кўзлар
Кўрсинлар ҳаётнинг жилоларини.
Бу тирик фарёдлар, оташин бўзлар
Узсинлар хаёлот жиловларини.
Камончани тортинг, эй, соҳибҳунар,
Камончани тортинг, эй, соҳибкамол,
Дунёда энг моҳир, сеҳргар қўллар
Пардаларда бундай ўйнаши маҳол.
Бу қандай создирки, чеккан ноласи
Дилларни пайконсиз айлайди пора.
Бу қандай создирки, ҳатто косаси
Ёрилмасдан чидаб турар бечора...
Тилга кирганида бу созлар шоҳи
Вужудлар тош қотар куй тугагунча.
Дунёдаги барча созлар бўлиб жам
Дилларни мусаллам этолмас бунча.
Даромад, буромад бор қўшиқ, куйда,
Қўним билан тугар оқибат парвоз.
Сиз яшанг ҳамиша ижод авжида,
Қўлингиздан асло тушмасин шу соз!
Сулаймон ШОДИЕВ.
472 views21:51
A
