2022-10-08 14:18:33
100 йил туриб бериши кафолатланган Қрим кўприги портлатилди
Бугун тонгда Россияни аннексия қилинган Қрим билан боғлайдиган кўприкда юк автомобили портлатиб юборилди. Натижада автомобиль кўприги жиддий зарар кўрган, темир йўлда ёқилғи ташиётган темир йўл цистерналарига ҳам ёнғин кўчиб ўтган. Россия расмийлари ҳодисани теракт/инцидент сифатида баҳолашмоқда. Путин махсус комиссия тузишга топшириқ берди.
Украина расмийлари мазкур ҳодисага қандай муносабатда бўлишди?
Украина расмийлари Қрим кўпригидаги ёнғинни турли истеҳзоли постлар билан қарши олдилар. Айниқса, Украина Президенти девони маслаҳатчиси Подоляк ушбу ҳужум ортида Украина турганини деярли очиқ тан олди. Улар Twitter'да қуйидаги твитларни ёзиб қолдиришган:
Украина Мудофаа вазирлиги:
"Москва" крейсери ва Керч кўприги — Украина Қримидаги Россия кучларининг икки машҳур рамзи — қулади. Энди нима бўлади, руслар?"
Украина Миллий хавфсизлик ва мудофаа кенгаши котиби Олексий Данилов:
Мэрилин Монронинг "Туғилган кунингиз билан, жаноб Президент" қўшиғи билан ёнаётган кўприк видеосини бирлаштирди.
Украина Президенти девони маслаҳатчиси Подоляк:
"Қрим, кўприк — бу бошланиши. Ноқонуний ҳамма нарсани йўқ қилиш, ўғирланган нарсаларни Украинага қайтариш, Россия томонидан босиб олинган ҳамма нарсани йўқ қилиш керак”.
“Қрим кўпригига ҳужум қилинса, ўша заҳотиёқ қиёмат куни бошланади”
Жорий йилнинг 18 июль куни Россия Федерацияси Хавфсизлик Кенгаши раисининг ўринбосари
Дмитрий Медведев Қрим кўпригига ҳужум содир қилганларга “яшин тезлигида содир бўладиган қиёмат куни”ни ваъда қилган эди.
“Агар Қрим кўпригида нимадир рўй берса, уларнинг ҳаммаси учун қиёмат куни бошланиб кетади. Бу улар учун яшин тезлигида ва жуда оғир содир бўлади”, — деган Медведев.
200 дан 500 миллион рублгача...
Бутунроссия суғуртачилар иттифоқи маълумотига кўра, Қрим кўпригидаги портлашдан кўрилган зарар 200 дан 500 миллион рублгача баҳоланмоқда.
Маълумот учун, 2016 йилда фойдаланишга топширилган Қрим кўприги Россия расмийлари томонидан 100 йил чидаб бериши кафолатланган эди. Шунингдек, рус манбалари Қрим кўприги космосдан, ҳаводан, ердан ва ер остидан туриб ҳимоя қилинишини ваъда беришган.
@zonauzbek - энг тезкор ва махфий хабарлар каналига аъзо бўлинг!
10.1K views11:18