2022-09-02 07:26:42
«Озодлик» радиосининг навбатдаги уйдирмаси!
Аввало жонажон халқимизни Мустақиллигимизнинг 31 йиллик байрами билан табриклайман. Ўзи бугун фақат байрам кайфиятимини бузмайман дегандим лекин бўлмади. Гап яна ўша “Озодлик” радиоси тўғрисида. Гап шундаки, бундан бир неча йил хорижга чиқиб кетган ва ўзини “расмий ОАВ” деб ҳисобловчи, лекин фаолияти фақат бўҳтону уйдирмадан иборат бўлган, журналистик фаолиятдан жуда узоқ бўлган “Озодлик”нинг хоин мухбирлари Ўзбекистонимизга, Самарқандимизга тош отишга уринибди. Нима эмиш “ШҲТ саммити ва фавқулодда чоралар. Самарқанд Путин келишига ҳозирланмоқда”! Мақоланинг номини қаранг!?
Биринчидан, ҳозирги кунда ШҲТ дунёдаги энг йирик халқаро ташкилотлардан бири бўлиб, ташкилотнинг навбатдаги саммитини айнан Самарқандда ўтказилаётгани мамлакатимизнинг жаҳон ҳамжамиятидаги ўрнини тобора ўсиб бораётганидан далолатдир. “Озодлик” радиоси эса ўзининг “мақола”сида (агар шундай деб номлашга арзиса!) саммитга мисли кўрилмаган чеклашлар ва Россия президенти Путининг келиши билан боғлиқ деб ўқувчини ишонтиришга ҳаракат қилган. Ҳой “Озодлик”нинг хоин, тўнка мухбирлари, агар бироз ақлингни ишлатганингда эди, Самарқанд саммитига Путиндан ташқари 10 дан ортиқ хорижий давлатлар раҳбарлари ва делегациялари келаётганини билган бўлардинг. Ўзбекистонда шундай катта тадбир ўтказилгандан сўнг, уларнинг тинчлигини таъминлаш ва муносиб шароит яратиш бу бизнинг мезбон сифатидаги бурчимиз. Ахир уйимизга меҳмон келадиган бўлса, бунга яхши тайёргарлик кўриш, меҳмоннинг иззатини жойига қўйиш халқимизга хос фазилат. Инсоний фазилат нима эканлигини буюртма асосида фисқу фасод тарқатувчи радио мухбирлари қаердан ҳам билсин!
“Мақолада” шунингдек, саммит арафасида ит ва мумушуклардан шаҳар тозаланаётганини ёзишибди. Инсон қадри ва саломатлиги барча нарсадан устунлигини наҳотки “озодлик”чилар билмаса. Ит ва мушукларнинг қаровсиз ҳолда аҳоли яшаш масканлари, болалар майдончалари атрофида бўлиши уларнинг саломатлиги ва ҳаётига таҳдид эканлигини барчамизга маълум.
Шу боис республиканинг барча ҳудудларида тегишли ташкилотлар томонидан йўриқнома бўйича жониворлар доимий тарзда аҳоли яшаш ҳудудларидан тозаланиб, вақтинчалик сақлаш масканларига жойлаштирилади.
“Мақола”да келтирилган журналист ва блогерларга нисбатан босим бўлаётгани тўғрисидаги фикрлар ҳам мутлоқо асоссиз ва уйдирма. Ҳозирги ахборот асрида ҳар ким ўзининг шахсий фикрини бемалол билдириши, муҳокамаларда фаол қатнашиб, мамлакатимизнинг ривожи учун ўз ҳиссасини қўшишига ҳеч қандай тўсиқ йўқ. Фақатгина сўз эгасининг фаолияти мавжуд қонунчилигимиз ва инсонийликка зид бўлмаса бўлди. Чет давлатдан туриб, ўз Ватанига тош отишга уринаётган “озодлик”чилар шуни билиб қўйса мақсадга мувофиқ бўларди.
Ҳурматли ўқувчи, фикрларим кўпу лекин шу ерда тўхтатаман. Сабаби бугун байрам, сизларнинг қимматли вақтингизни олмай, халқимиз учун энг ардоқли бўлган Мустақиллик байрамини яхши кайфиятда нишонлашда давом этинг. “Озодлик”нинг фитначи мухбирларига эса фақатгина инсоф сўраймиз!
1.7K views04:26