Зиё истаган қалблар учун

2021-01-19 16:13:31 АzonTV илмий-маърифий онлайн телеканалида Устоз Зайниддин қори Муҳаммад Юсуф хотираcига бағишланган «Қуръони Карим мусобақаси 1442» танлови ўтказилмоқда

Қуръон мусобақаси қатнашчилари икки йўналишда Ҳифз ва тиловат йўналишида беллашадилар.
Суперфинал босқичига қадар ҳар ҳафта саралаш босқичлари бўлиб ўтади.

Суперфинал босқичи муборак Рамазон ойида бўлиб ўтади.

Мусобақада фақат балоғатга етган, Ўзбекистон фуқароси ҳамда Ўзбекистон ҳудудида яшаб турган эркаклар қатнашишлари мумкин

Мусобақани таниқли қори Ҳасанхон Яҳё Абдулмажид бошчилигидаги Қуръон илмининг устозлари кузатиб, баҳолаб боришади.

Пандемия сабаб мусобақа онлайн тарзда ўтказилади.
Қуръон мусобақасига доир барча янгиликларини ҳар куни соат 8:00 ва 20:00 да AzonTV'нинг барча ижтимоий тармоқлардаги саҳифаларида кузатиб боришингиз мумкин.

Мусобақа ғолиблари ҳомийлар томонидан моддий ва маънавий рағбатлантирилиб, қимматбаҳо совғалар билан тақдирланади.

Ҳифз йўналиши бўйича финал ғолибларига:
1-ўрин учун “Spark” автомобили;
2-ўрин учун ноутбук;
3-ўрин учун планшет.

Тиловат йўналиши бўйича финал ғолибларига:
1-ўрин учун ноутбук;
2-ўрин учун телевизор;
3-ўрин учун телефон.

Ҳифз: саралаш босқичи ғолибларига:
1-ўрин учун “Ҳидоя” тўплами, Қуръони карим /супер финалга йўлланма;
2-ўрин учун Қуръони Карим;
3-ўрин учун Қуръони Карим.

Тиловат: саралаш босқичи ғолибларига:
1-ўрин учун Катта фиқҳ энциклопедияси, Куръони карим/супер финалга йўлланма;
2-ўрин учун Қуръони Карим;
3-ўрин учун Қуръони Карим.

Қўшимча маълумот учун телефон:
+998 55 501 03 67

https://t.me/azontv_quronmusobaqasi
https://www.youtube.com/channel/UC1FsiUhUdY6VdOC_mKJjU3w Ochish/sharhlash

2021-01-18 07:13:12 2020 йилда энг кўп ўқилган мақолалар

1. Соҳибқирон Амир Темур
2. Илм – энг буюк шараф
3. Аброр Мухтор Алий: “Рамазон — илм ва китобхонлик ойидир”
4. BBC: барча даврларнинг янг яхши 200 та романи
5. Ракнинг давоси шунчалик осонми? (Ёнғоқнинг табобатда қўлланилиши ҳақида)
6. Тарих сабоқлари: Тоғли Қорабоғ можароси қандай бошланган эди?
7. Мутолаа завқи: 10 та энг сара китоб ҳақида
8. Шарқ манбаларида ўлчов бирликлари
9. Guardian: Барча даврларнинг энг яхши 100 китоби
10. Збигнев Бжезинский. Буюк шахмат тахтаси (китобдан боблар)
11. Пётр Фалёв. Туркий халқларнинг сўз санъати
12. Алберт Эйнштейндан ҳаётий сабоқлар
13. Абдулла Олим. Амир Темурнинг сирли узуги
14. Унутилаётган, хира тортиб бораётган сўз ва шеваларимиз
15. Етти хазина
16. Амир Темур ва Йилдирим Боязид орасидаги мактублашув
17. Дунёнинг буюк романлари: Абдулла Қодирий. Ўткан кунлар
18. Габриэль Гарсиа Маркес тавсия этган китоблар
19. Иккинчи жаҳон урушини ким бошлаган?
20. Отага вафо қилмаган, фарзандларга насиб этмаган юрт бойликлари

@ziyouzcom Ochish/sharhlash

2021-01-18 07:12:16 Жаҳон шеъриятидан энг кўп ўқилган саҳифалар:

1. Умар Хайём (1048-1131)
2. Саъдий Шерозий (1203-1292)
3. Жалолиддин Румий (1207-1273)
4. Муҳиббий – Султон Сулаймон Қонуний (1494-1566)
5. Ибройим Юсупов (1929-2008)
6. Муҳаммад Фузулий (1498-1556)
7. Махтумқули (1733-1783)
8. Абай (1845-1904)
9. Юнус Эмро (1240-1320)
10. Абдураҳмон Жомий (1414-1492)
11. Михаил Лермонтов (1814-1841)
12. Мирзо Абдулқодир Бедил (1644-1721)
13. Ҳофиз Шерозий (1325-1388)
14. Александр Пушкин (1799-1837)
15. Абу Абдулло Рудакий (858-941)
16. Низомий Ганжавий (1141-1209)
17. Абу Али ибн Сино (980-1037)
18. Муса Жалил (1906-1944)
19. Имодиддин Насимий (1370-1417)
20. Иван Крилов (1769-1844)

@ziyouzcom Ochish/sharhlash

2021-01-18 07:11:22 Айни пайтда сайтда ўзбек шеъриятидан 472 нафар муаллифнинг асарлари ўрин олган. Жаҳон шеъриятидан 1329 нафар шоирнинг шеърлари жойлаштирилган.

Ўзбек шеъриятидан энг кўп ўқилган саҳифалар:

1. Алишер Навоий (1441-1501)
2. Абдулла Орипов (1941-2016)
3. Юсуф Хос Ҳожиб (1020-1070)
4. Чори Аваз (1957-1992)
5. Ғафур Ғулом (1903-1966)
6. Чустий (1904-1983)
7. Шамсиддин Садоий (1958)
8. Зарифа Саидносирова (1908-1986)
9. Эркин Воҳидов (1936-2016)
10. Шукур Саъдулла (1912-1972)
11. Иқбол Мирзо (1967)
12. Рауф Толиб (1946-2009)
13. Кавсар Турдиева (1958)
14. Миртемир (1910-1978)
15. Аҳмад Яссавий (XII аср)
16. Фарида Афрўз (1956)
17. Саида Зуннунова (1926-1977)
18. Машраб (1610-1711)
19. Гулханий (XVIII-XIX аср)
20. Зокир Худойшукур (1971)

@ziyouzcom Ochish/sharhlash

2021-01-18 07:10:26 Самые читаемые рассказы узбекской литературы:

1. Уткир Хашимов. «Дорожное происшествие», «Последные жертвы войны»
2. Латиф Махмудов. «Миллион штук урюка»
3. Абдулла Каххар. «Два сапога — пара», «Гранат», «Больная»
4. Улугбек Хамдам. «Мусульманин», «Пиала воды», «Камень»
5. Шукур Халмирзаев. «Жизнь вечна», «Пастух»
6. Абдукаюм Юлдашев. «Пуанкаре», «Близнецы»
7. Cаломат Вафо. «Гора Бутан», «Мелодия зла»
8. Гафур Гулям. «Воришка»
9. Ульмас Умарбеков. «Осенняя погода», «Абдулла-кавунчи», «Старая орешина»
10. Саид Ахмад. «Журавли», «Тишина», «Колыбельная»
11. Адыл Якубов. «Прощание»
12. Исажон Султон. «Ночной ураган», «Чаша на воде»
13. Бахтияр Нуритдинов. «Отец и сын», «Потусторонный покупатель»
14. Хуршид Дустмухаммад. «Кичкирик»
15. Зульфия Куралбой кизи. «Женщина»
16. Чулпан. «Девушка-пекарь»
17. Эркин Агзам. «Яблоки Рамазона», «Племянники»
18. Абдулла Кадыри. «Пир злых духов»
19. Саида Зуннунова. «Одиночество»
20. Худайберды Тухтабаев. «На все руки мастер»

@ziyouzcom Ochish/sharhlash

2021-01-18 07:08:20 Жаҳон адабиётидан энг кўп ўқилган ҳикоялар:

1. Артур Конан Дойл. «Маллалар уюшмаси»
2. Франц Кафка. «Эврилиш»
3. Михаил Шолохов. «Инсон тақдири»
4. Антон Чехов. «Ўғил болалар», «Хамелеон», «Семиз ва ориқ»
5. Иван Тургенев. «Муму»
6. Марк Твен. «У ўлганми ё тирик?», «Миссис Мак-Вильямс ва Яшин»
7. Агата Кристи. «Тилсимли шахмат», «Булбул ошёни»
8. О‘Генри. «Афсунгарларнинг туҳфалари»
9. Жек Лондон. «Ҳаётга муҳаббат»
10. Азиз Несин. «Минг марта шукур»
11. Фёдор Достоевский. «Маъсума»
12. Эдгар Аллан По. «Морг кўчасидаги қотиллик»
13. Константин Паустовский. «Эски қайиқ»
14. Рабиндранат Тагор. «Нур ва соялар»
15. Фозил Искандар. «Айниган зиёлилар ва аферизмлар», «Қаздорлар»
16. Альберто Моравиа. «Май ёмғири»
17. Навтеж. «Муаллим Дас»
18. Карел Чапек. «Чақалоқ воқеаси»
19. Андре Моруа. «Қайтиш»
20. Нажиб Маҳфуз. «Имконият»

@ziyouzcom Ochish/sharhlash

2021-01-18 07:05:35 Ўзбек тилидаги энг катта адабий-маърифий портал — www.ziyouz.uz сайтида айни пайтда ўзбек адабиётидан 3138 та, жаҳон адабиётидан 1753 та ҳикоя ўрин олган.

Ушбу рўйхатлар 2020 йилда порталда энг кўп ўқилган ҳикоялар таҳлили асосида тузилди. Рўйхатнинг аввалида энг кўп мутолаа қилинган ҳикоя ўрин олди. Айни муаллифнинг жами 1000 ўқувчидан кам бўлмаган ва рейтингнинг юқори 100 талигидан ўрин олган ҳикоялари ҳам рўйхатга киритилди.

Ўзбек адабиётидан (ҳикоялар сони ва энг кўп ўқилганига кўра) Абдулла Қаҳҳор асарлари, жаҳон адабиётидан Антон Чехов асарлари энг кўп мутолаа қилинган.

Ўзбек адабиётидан энг кўп ўқилган ҳикоялар:

1. Саид Аҳмад. «Қоракўз Мажнун», «Сароб»
2. Абдулла Қаҳҳор. «Даҳшат», «Анор», «Бемор»
3. Исажон Султон. «Ҳазрати Ҳизр изидан»
4. Абдукарим Мирзаев. «Муҳаббат ясаган қайиқча»
5. Азамат Қоржовов. «Сандиқда сақланган сир»
6. Истам Ҳамроев. «Келин»
7. Назар Эшонқул. «Шамолни тутиб бўлмайди», «Маймун етаклаган одам»
8. Тоҳир Малик. «Қарғиш»
9. Ўткир Ҳошимов. «Оқ булут, оппоқ булут»
10. Ўринбой Усмонов. «Тасодиф»
11. Одил Ёқубов. «Музқаймоқ»
12. Хайриддин Султонов. «Ё, Жамшид»
13. Абдуқаюм Йўлдош. «Бозор», «Пуанкаре»
14. Хуршид Даврон. «Амир Темур ўғлининг ўлими ҳақида ривоят»
15. Шукур Холмирзаев. «Ўзбек характери», «Омон овчининг ўлими»
16. Нортўхта Қилич. «Осмон йиғлаган кун»
17. Жасур Кенгбоев. «Шубҳа»
18. Нормурод Норқобилов. «Етим қолган гуллар»
19. Ойбек. «Фанорчи ота»
20. Ўлмас Умарбеков. «Қиёмат қарз»

@ziyouzcom Ochish/sharhlash

2021-01-18 07:02:49 2020 йилда Ziyouz порталида энг кўп ўқилган китоблар, мақолалар, ҳикоялар, шеърлар

Google Analytics маълумотларига кўра, 2020 йилда Ziyouz порталига ташрифлар сони 6 154 317 тани (www.ziyouz.com — 5 031 909; www.ziyouz.uz — 1 122 408) ташкил этди (кунига ўртача 16 861 киши). Ташриф буюрганларнинг 80 фоизи Ўзбекистондан. Россия (6%), Қозоғистон (5%), Қирғизистон (3%), Тожикистон (2%), АҚШ (1%), Туркия (1%) каби 152 давлатдан мухлислар ташриф буюрган.

2020 йил 15 январь ҳолатига кўра, Ziyouz порталида мақолалар сони: 28725 та (n.ziyouz.com — 10430, islom.ziyouz.com — 2264, davronbek.ziyouz.com — 508, ziyouz.uz — 13824, ziyouz.uz/ru — 1490, ziyouz.uz/en — 209).

Ўзбек тилидаги энг катта электрон кутубхона — Ziyouz.com кутубхонасида ҳозирда 13276 та китоб мавжуд. Ушбу рўйхатда 2020 йил давомида порталимиз ўқувчилари томонидан энг кўп мутолаа қилинган китоблар 20 талиги ўрин олган:

1. Ўзбек тилининг изоҳли луғати (А.Мадвалиев таҳрири остида)
2. Аҳмад Лутфий Қозончи. Саодат асри қиссалари (аудиокитоб)
3. Қуръони карим маънолари таржимаси (Алоуддин Мансур)
4. Саид Аҳмад. Уфқ
5. Ўзбек тили синонимларининг изоҳли луғати (А.Ҳожиев)
6. Имом ал-Бухорий. Ал-жомеъ ас-саҳиҳ. 1-жилд
7. Фёдор Достоевский. Жиноят ва жазо
8. Муҳаммад Юсуф. Сайланма
9. Ўзбекча-туркча ва туркча-ўзбекча изоҳли луғат
10. Ўзбекистон Миллий Энциклопедияси
11. Алихонтўра Соғуний. Тарихи Муҳаммадий
12. Ҳусайн Воиз Кошифий. Ахлоқи муҳсиний
13. Абдулла Қодирий. Ўткан кунлар
14. Тоҳир Малик. Шайтанат (1-китоб)
15. Абдулла Қодирий. Меҳробдан чаён
16. Абдулҳамид Чўлпон. Кеча ва кундуз
17. Абу Али ибн Сино. Тиб қонунлари. 1-жилд
18. Артур Конан Дойл. Шерлок Холмс ҳақида ҳикоялар
19. Пиримқул Қодиров. Юлдузли тунлар
20. Пауло Коэльо. Ал-Кимёгар (аудиокитоб)

@ziyouzcom Ochish/sharhlash

2020-12-25 09:52:47 Якунига етаётган 2020 йил Ўзбекистон илм, фани ва маданияти учун ҳузун йили бўлди. Коронавирус пандемияси оқибатида бир нечта арбоблардан айрилдик. Ziyouz.uz портали ушбу йилда вафот этган ўзбекистонлик давлат ва жамоат арбоблари, зиёлиларни хотирлади.
https://ziyouz.uz/yangiliklar/2020-yili-yoqotganlarimiz/

@ziyouzcom Ochish/sharhlash

2020-12-01 14:49:26 ​​Миллат яна бир ниҳолидан айрилди...

2015 йили АҚШнинг Орегон штатида 5000 киши яшайдиган кичкина шаҳарда бўлдик. Маҳаллий радиостанцияга таклиф қилишди. Шу шаҳар ва унинг атрофидаги шаҳарчалар аҳолисига хизмат қилувчи чоғроққина радиостанция бўлса, нима қиламиз у ерда, деган фикр ўтди.

Радиога боргандан сўнг тасаввурларим бутунлай ўзгарди. Икки қаватли замонавий бино, боғчаси ҳам бор. Ичкаридаги ускуналар барчаси янги, дид билан дизайн қилинган. Фонотекаси ҳам жуда катта: гарчи барча ёзувлар рақамлаштирилган бўлса-да, эски пластинкалардан тортиб, оригинал кассета ва дискларгача сақланади (тингловчи талабига кўра, рақамлаштирилган вариант эмас, айнан оригинал патефон, магнитофон ва диск плеердан қўйиб бериларкан). Бу ерда 20 тача ижодкор доимий ишлайди.

Радио муҳаррири билан суҳбатда у қизиқ воқеани сўзлаб берди: "Биласиз, интернет, янги ахборот технологиялари чиқиб, оммавий ахборот воситалари, айниқса, улардаги реклама бозори синди. Бу буҳрон бизга ҳам таъсир қилди. Беш йил олдин деярли банкрот даражасига етдик. Станция фаолиятини давом эттириш учун ҳеч қандай ресурс қолмаганди. Бир кун ходимлар билан маслаҳат қилиб, радиони ёпишга ва бу ҳақда тингловчиларимизга маълум қилишга қарор қилдик.

Эртанги эфирда тингловчиларга мурожаат қилдик: "Ҳурматли ватандош тингловчилар. Сизнинг радионгиз 80 йилдан бери хонадонингиз аъзосига айланди. Яхши-ёмон кунларда сиз билан бирга бўлди. Бугун иқтисодий сабаблар туфайли сизни тарк этишга мажбур бўлмоқдамиз. 1 ойдан сўнг эфирларимиз тўлқиндан узилади. Сиз билан бирга бўлганимиздан фахр туямиз!"

Ушбу мурожаат шаҳримиз ва бизни атрофда эшитадиган 10000 аҳолига қаттиқ таъсир кўрсатди. Шаҳар аҳли кампания уюштириб, радиони сақлаб қолиш учун пул йиға бошлади ва радио номига фонд очилди. Шу даражада кўп пул йиғилдики, биз радио биносини янгидан қурдик, ускуналарни замонавийлаштирдик. Фонддаги маблағ яна беш йил фаолиятимизга етади. Унга пул тушуми ҳали ҳам тўхтагани йўқ. Бизни ўз оила аъзоси деб билан ҳамшаҳарлардан миннатдормиз!"

Мен ўшанда Тинч уммони яқинидаги ушбу кичкина шаҳар аҳолисининг ҳамжиҳатлиги, дахлдорлик ҳиссига тан бергандим.

Бугун ўзбекнинг энг танти ношири Санжар Назарнинг "Жажжи академик" журнали ёпилаётгани ҳақидаги хабарини ўқиб, шулар хаёлимдан ўтди. Мен "келинглар, биз ҳам фонд очайлик, "Жажжи академик"ни сақлаб қолайлик" деб айтолмайман, афсус. Журнал жон сақлашига етгулик маблағ йиғилишига, лоақал давлат ёки катта меценатлар бирон бир ёрдам беришига, афсуски, ишониш қийин. Зеро, бу ҳақда Санжар ака аввал ҳам огоҳлантирган эди. Ака 7 йил давомида катта иш қилди. Маърифат учун ўз маблағини тикди-тикди, умид қилди. Натижа сен кутгандай бўлмаса, оқибат шундай бўлиши табиий.

"Жажжи академик" ўзбек болалар дунёсида замонавий янги саҳифа очди. Миллат болаларининг чин камолоти учун хизмат қилди.

Миллат яна бир ниҳолидан айрилди...

Ўрнини хайрлиси билан тўлдирсин!

Давронбек Тожиалиев Ochish/sharhlash