ZiyoNET portali rasmiy kanali

2021-01-26 07:42:50 #Tongi_motivasiya
Ҳар қандай ҳолатда ҳам, муваффақиятга эришиш учун сиз жинничиликдан маълум бир миқдорга эга бўлишингиз керак.

Уильям Шекспир

@ziyonetofficial

ziyonet.uz Ochish/sharhlash

2021-01-25 09:30:00 Ёшлар ва масъуллар ўртасида доимий мулоқот ўрнатилади

Ўзбекистон Республикаси Президенти ҳузуридаги Давлат бошқаруви академиясида Президентимизнинг Олий Мажлис ва халққа Мурожаатномаси ҳамда “Ёшлар форуми”да белгилаб берилган вазифалар юзасидан ёшлар тарбиясига масъул раҳбарлар учун давлат идоралари мутасадилари иштирокида икки кунлик ўқув-семинар бўлиб ўтди.

Унда Ахборот технологиялари ва коммуникацияларини ривожлантириш вазири Шуҳрат Содиқов ҳамда АКТ соҳасида фаолият юритаётган ташкилот ва корхоналарнинг раҳбарлари иштирок этди.
Семинарда ёшлар ва масъуллар ўртасида тўғридан-тўғри мулоқот ўрнатишга хизмат қилувчи “Ёшлар мурожаати” электрон платформасини яратиш, ёшларни АКТ соҳасига янада қизиқтириш, уларнинг бу борадаги билим кўникмаларини ошириш мақсадида жорий йилда 100 дан зиёд шаҳар ва туманда Рақамли технологиялар ўқув марказлари ташкил этилади. Шу билан бирга, Тошкент вилоятида Ахборот технологиялари университети филиали ҳамда барча худудларда мазкур йўналишда техникумлар фаолияти йўлга қўйилади.
2021 йилдан бошлаб “IT” сертификатларини қўлга киритган ёшларга харажатларининг 50 фоизигача бўлган қисмини қоплаб бериш вазифалари белгиланди.
Кейинги икки йилда “Бир миллион дастурчи” лойиҳаси доирасида 300 минг ёшларни компьютер технологиялари йўналишида бепул ўқитиш, масофавий таълимни ва дарсларни онлайн ўтказиш имкониятини яратадиган “Онлайн, Рақамли, Хавфсиз ихтисозлаштирилган мактаб”, “Олий таълим жараёнларини бошқариш” ахборот тизимлари яратилади ва ишга туширилади.
Қорақалпоғистон Республикаси, Бухоро, Хоразм ва Наманган вилоятларида IT-Парк филиаллари фаолиятини йўлга қўйиш режалаштирилган.
2020 йилда 14 та информатика ва ахборот технологияларини чуқурлаштириб ўқитишга ихтисослаштирилган таянч мактаблари ташкил этилди ва жихозланди. Шунингдек, 2021 йилда – 82 та, 2022 йилда – 64 та ва 2023 йида – 45 та ихтисослаштирилган мактаблар ташкил этилиши кўзда тутилган.

@ziyonetofficial

ziyonet.uz Ochish/sharhlash

2021-01-25 07:39:19 #Tongi_motivasiya
Ассалому Алайкум азиз дўстлар. Кайфиятимизни кўтарамиз.

Бир киши “Microsoft” компаниясига фаррош бўлиб ишлаш учун келибди. Кадрлар бўлимида у бир нечта тестлардан, суҳбатдан ўтибди ва унга дейишибди:
— Табриклаймиз, сизни ишга қабул қиламиз. Бизга ўз e-mail'ингизни қолдиринг, иш жадвали ҳақида маълум қиламиз.
— Кечирасиз, менинг компьютерим йўқ,– дебди бояги киши, – электрон почтам ҳам йўқ.
— Афсуски, у ҳолда сизни ишга қабул қилолмаймиз. “Microsoft”нинг барча ходимлари билан e-mail орқали алоқа қиламиз ва ишимизнинг асосий қисми компьютерлар билан боғлиқ. Шунинг учун сизни ишга ололмаймиз. Бечора киши ташқарига йўл олибди ва компьютер учун қандай қилиб пул топишни ўйлай бошлабди. Чўнтагида атиги 30 доллар пули бор экан. Қараса, нарироқда бир фермер боғидан териб келган олмаларини сотаётган экан. У 10 кило олма сотиб олибди ва гавжум кўчалардан бирига бориб олма сота бошлабди. Икки соатда унинг пули икки баробар, олти соатдан кейин эса 10 баробарга кўпайибди. У “Microsoft”га ишга кирмасдан ҳам яшаш мумкинлигини тушунибди. Бир қанча вақтдан кейин эркак автомобиль сотиб олибди, аввалига кичик дўкон, кейинроқ магазин очибди. Беш йилдан кейин супермаркетлар тармоғини ташкил қилибди.
Шундан сўнг у бизнесини суғурта қилдирмоқчи бўлибди, суғурта агенти эса ундан электрон почтасини қолдиришни сўрабди.
Бизнесмен худди бир неча йил олдинги сингари унда e-mail ҳам, компьютер ҳам йўқлигини айтибди.
– Қойил! – дебди суғурта агенти, – компьютерингиз йўқ бўла туриб шундай бизнесга эга экансиз! Агар компьютерингиз бўлганида, ким бўлардингиз экан?!
Бизнесмен унга жилмайиб жавоб қайтарибди:
– У ҳолда “Microsoft”да фаррош бўлардим.

@ziyonetofficial

ziyonet.uz Ochish/sharhlash

2021-01-25 07:38:34 #Eng_qisqa_hikoya
Oʻqituvchi dars chogʻida halokatga uchragan kema haqida oʻquvchilarga soʻzlab berdi:
– Kemada er-xotin ham bor ekan. Ular qutqaruv kemasigacha suzib borishdi. Birgina joy bor ekan. Er xotinini itarib yubordi. Shunda choʻkayotgan ayol eriga nima dedi? Qani, kim aytadi?

Koʻpchilik bir ovozdan “Sendan nafratlanaman” yoki “Koʻzim koʻr boʻlgan ekan” degan soʻzni aytgan dedi...
Shu payt oʻqituvchining koʻzi jimgina oʻtirgan bolaga tushdi...

– Nima deb uylaysan, ayol eriga nima degan?
– Bolamizni ehtiyot qiling – degan.
– Sen bu voqeani bilasanmi? – hayratlanib soʻradi oʻqituvchi.
– Yoʻq, mening oyim ham oʻlimi oldidan dadamga shunday degan – dedi.
Oʻqituvchi koʻziga qalqib kelgan yoshni koʻrsatmaslik uchun chetga burildi...

@ziyonetofficial

ziyonet.uz Ochish/sharhlash

2021-01-22 08:20:29 #Тўғри_ёзамиз
Телефон рақамлари имлоси

Телефон рақамларини ёзиш борасида ҳеч қаерда аниқ кўрсатмалар берилмаган (ёки биз билмаймиз), шу боис уларнинг имлосида кўпроқ мантиққа таянишга тўғри келади.

1. Одатда аввал телефон сўзи ёзилиб, икки нуқта қўйилади, кейин эса бир жой ташлаб рақам киритилади.

2. Телефон сўзини қисқартириб ёзиш мумкин, бунда унга нуқта ва кетидан икки нуқта қўйилади, икки нуқтани қўймаса хатолик ҳисобланмайди: тел.: ёки тел.

3. Халқаро қўнғироқлар бўлиши мумкин бўлган ташкилот рақами бўлса, рақамни давлат коди билан ёзиш керак: +998...

4. Орқадан икки рақам санаб, икки марта чизиқча (дефис) қўйилади: 98 765-43-21

5. Одатда оператор коди қавсга олинади, лекин бу мантиқан тўғри эмас. Ўзи қавс ичига тўлдирувчи ва қўшимча маълумотлар киритилади. Ўзбекистонда 2019 йилдан бери оператор кодини термасдан қўнғироқлар амалга ошириб бўлмайди. Аввал бу қўшимча маълумот эди, ҳозирда асосий маълумотга айланган. Шунинг учун оператор кодини қавсга олмаган маъқул:
(98) 765-43-21
98 765-43-21
+998 98 765-43-21

@ziyonetofficial

ziyonet.uz Ochish/sharhlash