MAKTABDA TAʼLIM

2022-08-14 19:53:42 Шу кунларда етакчиларга оид саволларга тўлиқ изоҳ

Улуғбек Пўлатов ўз каналида ушбу штат қайта жорий этилади, дея пост қўйгач кўплаб саволлар келиб тушди.

Бу бўйича Халқ таълими вазирлигининг мазкур йўналишда фаолият олиб бораётган масъул ходими билан суҳбатлашдим.

Вазирлик томонидан, ҳақиқатан ҳам ушбу хат жойларга юборилган бўлиб, лекин бу аввалгидек ойлик асосида фаолият олиб борувчи “ёшлар етакчиси” эмас, аксинча бошланғич ташкилот етакчиси сифатида фаолият олиб борилиши назарда тутилган.

Бошланғич ташкилот етакчиси умумтаълим мактабларида 540 мингдан ортиқ сардорлар, ўқувчи-ёшларни ижтимоий фаоллигини оширишга қаратилган лойиҳа ва танловларни ташкил этишда, Ёшларга оид давлат сиёсатини таълим муассасаларида мувофиқлаштириш учун тавсия этилган.

Ушбу йўналишда фаолият олиб борувчи хатда кўрсатилган талаблар асосида бошланғич ташкилот етакчилигига номзодлар ўз хоҳишига кўра тавсия этилади. Бошланғич ташкилот етакчилигига таълим муассасасидаги педагог ёки ходим тавсия этилади.
Бу албатта жамоатчилик асосида фаолият олиб боради.

У турли шу каби ишларда волонтёр сифатида ёрдамлашади, масалан, бошланғич ташкилот етакчиси сентябрь-декабрь ойларида ўтказиладиган “Беш ташаббус олимпиадаси”нинг иккинчи мавсумида ўқувчи-ёшларнинг иштирокини ҳамда октябр ойида ўтказиладиган Ёшлар иттифоқи қурултойида делегат бўлиб қатнашиши ҳам назарда тутилган.

Ҳурматли ижтимоий тармоқ фойдаланувчилари, мазкур қўшма хатни асл мақсади шундай бўлган.

Вазирликнинг масъул вакилларига тушунтириш учун ташаккур

Isroil Tillaboyevdan

“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-14 14:25:32 QANDAY PEDAGOGLAR MAJBURIY ATTESTATSIYAGA JALB QILINMAYDI?

Vazirlar Mahkamasining 572-sonli qaroriga asosan quyidagilar navbatdagi majburiy attestatsiyaga jalb etilmaydi:

fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega boʻlgan pedagog kadrlar;

taʼlim tashkilotlarida 15-yil davomida 3 marta oliy malaka toifsini himoya qilgan pedagog kadrlar;

pedagogik faoliyat bilan shugʻullanayotgan pensiya yoshiga toʻlgan pedagog kadrlar;

pedagogik faoliyat boʻyicha uch yildan kam boʻlgan ish stajiga ega pedagog kadrlar;

homilador ayollar, ular homilador boʻlgan davrda hamda ishga chiqqanidan keyin bir yil davomida;

homiladorlik va tugʻish hamda bolani parvarish qilish taʼtillarida boʻlgan ayollar, ular taʼtilda boʻlgan davrda hamda ishga chiqqanidan keyin bir yil davomida;

pedagogik faoliyat bilan shugʻullanayotgan uch yoshgacha bolalari bor ayollar;

uzoq (uch oydan ortiq vaqt mobaynida) davolanishni oʻtayotgan pedagog kadrlar, ular davolanayotgan davrda hamda ishga chiqqanidan keyin olti oy davomida;

mazkur Nizomning 8 va 9-bandlarida koʻrsatilgan pedagog kadrlar, ularga malaka toifasi toʻgʻridan-toʻgʻri berilgan yoki bir pogʻona oshirilgan vaqtdan boshlab keyingi besh yil davomida;

respublika va chet el davlatlariga oʻqishga, qayta tayyorlash va malaka oshirish kurslariga yuborilgan pedagog kadrlar;

ijtimoiy muhofazaga muhtoj, ish topishda qiynalayotgan va mehnat bozorida teng shartlar asosida raqobatlasha olmaydigan shaxslar uchun eng kam miqdordagi ish oʻrinlariga zaxiraga olib ishga joylashtirilgan pedagog kadrlar, bu ish joylariga qabul qilingan kundan boshlab uch yil davomida.


“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-14 11:01:39 KUNDALIK COM BO‘YIChA:

O‘ZBEKISTON RESPUBLIKASI XALQ TA’LIMI VAZIRINING
BUYRUG'I

2О22-уil 24-iyun 205-sonli

Ushbu buyruqqa asosan sinf rаhbаri quyidagi vazifalarni bajaradi.

ota-ona (o'quvchining qonuniy vakili) uchun Platformada рrоfil yaratib,
vaqtinchalik Login vа Parolni tarqatish;

ota-onalar va o'qituvchilar uchun unutilgan Login vа Parolni tiklash tartibi hamda o'quvchi vа ota-ona (o'quvchining qonuniy vakili)ning shaxsiy ma'lumotlarini uzatish uchun javobgar bо'lish;

ota-ona (o'quvchining qonuniy vakili)ning Platformadagi faolligini doimiy ravishda kuzatib borish, zarurat tug'ilganda ularga aloqaga chiqib profilaktik suhbat olib borish. Profilaktik suhbat o'z ijobiy natijasini bermagan taqdirda maktab direktoriga mа'lumot kiritish;

sababli (kasalligi, oilaviy sharoitidan kelib chiqqan holda) dars qoldirgan o'quvchilarni sinf jurnalida maxsus belgilar (s, dq, k, kq, m, ch, q, ns, tq) bilan belgilab chiqish;

o'quvchi sababsiz 3 soat dars qoldirsa kerakli hujjatlar to'plamini yig'ib, muassasa rahbariga taqdim etish;

umumiy o'rta ta'lim muassasalari faoliyatida avtomatlashtirilgan axborot tizim bilan ishlash va arxivlashtirish tartibi haqidagi nizomga muvofiq belgilangan
vazifalar bajarilishini ta'minlaydi.


“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-14 05:42:54 Bugun 14-avgust Ziyoli Pedagog kanali ochilganiga bir yil bo‘libdi.

Bir yil oldin kanal yuritish bo‘yicha yetarlicha bilim ko‘nikmalarim yo‘q edi. Bir yil davomida 1142 dan ortiq post qo‘ydim. Ba’zida boshqa kanallardagi xabarlarni ham oldim, lekin kanal menga o‘z ustimda ishlashga ta’lim sohasi bo‘yicha yangliklar, qaror va nizomlarni har bir bandlarini o‘rganishga, soha mas’ullari bilan bog‘lanib ma’lumotlar yig‘ishga o‘rgatdi.

Kanal yuritishim davomida siz azizlardan ko‘plab savolliklar kelib tushdi. Ana shu savollarga to‘g‘ri javob berib, sizlarga foydam tekkan bo‘lsa men juda ham xursandman.

Kanalda berilayotgan ma’lumotlarga fikr bildirish funksiyasini bugundan yoqib qo‘ydim. Kanalga biriktirilgan ushbu guruh orqali o‘zingizni qiziqtirayotgan masalalar bo‘yicha ustozlar bilan fikr almashishingiz, guruhga a’zo bo‘lishingiz mumkin. Qolaversa, qo‘yilayotgan postlarga reyaksiya bildirib like bosib tursangiz xursand bo‘laman.

Eng asosiysi kanal menga 7 mingdan ortiq qadrdonlarni berdi. Barchangizni g‘oyibona qadrlayman.

Hurmat bilan! Tursunov Faxriddin Farg‘ona viloyati Qo‘shtepa tumani 32-maktabning o‘quv ishlari bo‘yicha direktor o‘rinbosari, Ziyoli Pedagog kanali asoschisi. Ochish/sharhlash

2022-08-13 12:07:17 ​​#Тезкор_хабар

МАКТАБЛАРДА «ЁШЛАР ЕТАКЧИСИ» ЛАВОЗИМИ ҚАЙТА ЖОРИЙ ҚИЛИНИШИ МУМКИН

Маълумки, Президентнинг “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги қарори билан умумтаълим мактабларидаги ёшлар етакчиси лавозими тугатилганди.

Ёшлар етакчиси лавозими тугатилганлиги сабабли унинг лавозим вазифалари таълим муассасаларидаги психолог, ҳарбий чақириққача тайёргарлик раҳбари, ижодий-маданий масалалар бўйича тарғиботчи ҳамда маънавий-маърифий ишлар бўйича директор ўринбосарларига юклатилганди.

Аммо сентябрь ойида умумтаълим муассасаларидаги бошланғич ташкилотларда ҳисобот-сайлов йиғилишини юқори савияда ташкил этиш, ҳамда ёшлар билан ишлашни тизимли равишда йўлга қўйиш мақсадида ҳар бир таълим муассасасида жамоатчилик асосида “Ёшлар етакчиси” лавозими жорий қилинади.

Бу ҳақда Ўзбекистон ёшлар иттифоқи Марказий Кенгаши ва Халқ таълими вазирлигининг жорий йилнинг 12 август куни ҳудудий халқ таълими бошқарма бошлиқлари ва ёшлар иттифоқи ҳудудий Кенгашларига юборган кўрсатма хатида маълум қилинган.

Ушбу хатда жорий йилнинг 16 август кунига қадар жамоатчилик асосида “Ёшлар етакчиси” лавозимига ҳар бир таълим муассасасидан 35 ёшдан ошмаган шижоатли, ташаббускор, ёшлар манфаатларини ҳимоя қила оладиган, етакчилик қобилиятига эга 3 нафар номзодларнинг рўйхатини шакллантириш, номзодларнинг белгиланган график асосида республика комиссияси суҳбат жараёнларида иштирокини таъминлаш топшириғи берилган.

Халқ таьлими инфо. Улуғбек Пўлатов

“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-13 06:17:56 ТАЪЛИМ СИФАТИ ПАСТ МАКТАБЛАРГА БОРИБ ИШЛАЙДИГАН ЎҚИТУВЧИЛАРГА ҚЎШИМЧА УСТАМА ТЎЛАНАДИ

2021 йил 1 мартдан таълим сифати паст мактабларда дарс бериш учун бошқа ҳудудлардан жалб қилинган олий ва биринчи тоифага эга ўқитувчи-педагогларнинг базавий тариф ставкаларига махсус устамалар жорий қилинади.

Бунда:

бир вилоят доирасида бошқа туман ва шаҳарлардан келиб фаолият юритаётган ўқитувчиларнинг базавий тариф ставкаларига 50 фоиз;

бошқа вилоятдан келиб фаолият юритаётган ўқитувчиларнинг базавий тариф ставкаларига 100 фоиз махсус устамалар тўланади.

Таълим сифати паст мактаблар рўйхати Халқ таълими вазирлиги ҳамда Таълим сифатини назорат қилиш давлат инспекцияси томонидан аниқланади ва 2021 йил 15 февралгача, келгуси йилларда эса ҳар йили 1 сентябрга қадар Халқ таълими вазирлиги веб-сайтида эълон қилинади.

Бошқа ҳудудлардан жалб қилинган олий ва биринчи тоифага эга ўқитувчи-педагогларнинг базавий тариф ставкаларига махсус устамалар улар борган мактаб таълим сифати паст мактаблар рўйхатидан чиқарилган йилдан кейинги йил учун ҳам тўланади.

Олис ва чекка ҳудудларда жойлашган бюджет ташкилотлари ва тиббиёт муассасаларида бўш иш ўринлари юзасидан маълумотлар ҳар ой якуни бўйича кейинги ойнинг 5-кунига қадар Қорақалпоғистон Республикаси Вазирлар Кенгаши ва вилоятлар ҳокимликлари веб-сайтларида жойлаштириб борилади.

“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-12 18:32:48 5-SINFDAN BOSHLAB YAGONA SINF RAHBARLIGIGA KIMLAR TAYINLANADI?


Xalq ta’limi vazirining 2021-yil 22-fevraldagi 41-sonli buyrug’iga ko’ra sinf rahbarlari o‘qituvchilar orasidan ta’lim muassasasi direktori tomonidan tayinlanadi va ozod etiladi.

Sinf rahbari quyidagi mezonlarga asosan tanlab olinadi:

kamida 3 yillik pedagogik ish stajiga ega bo‘lgan;
maktabda to‘liq stavkada asosiy ishchi sifatidla faoliyat olib borayotgan;
odob-axloqi va xulqi bilan o‘quvchilarga shaxsiy namuna bo‘la oladigan;
ruhiy jihatdan barqaror bo‘lgan;
o‘quvchilar bilan ishlash jarayoniga mas’uliyat bilan yondasha oladigan.

Boshlang‘ich sinfda asosiy (o‘qish, ona tili, matematika) fanlardan dars beradigan o‘qituvchi sinf rahbari hisoblanadi. Boshlang‘ich sinfga tayinlangan sinf rahbari 1-sinfdan boshlab 4- sinfgacha o‘quvchilarga yagona rahbar hisoblanadi.

Xuddi shunday tartib 5- sinfdan 11-sinfga qadar ham qo‘llaniladi.

Bir o‘qituvchiga faqatgina bitta sinf rahbarligi topshiriladi. Direktor o‘rinbosarlari, psixologlar va boshqa sinf rahbari bo‘lishi mumkin emas.

Sinf rahbarlari faoliyatini ma’naviy-ma’rifiy ishlar bo‘yicha direktor o‘rinbosari nazorat qiladi va muvofiqlashtiradi.

“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-12 10:25:36 Maktab bitiruvchilarining natijalaridan kelib chiqib maktablarning rahbar xodimlari ragʻbatlantiriladi.

Umumta’lim muassasalari bitiruvchilarining oliy hamda professional ta’lim tashkilotlariga o‘qishga kirish hamda ishga joylashish ko‘rsatkichlari asosida har yili 1-fevralga qadar o‘tgan yilgi erishilgan natijalardan kelib chiqib, direktor jamg‘armasi mablag‘lari hisobidan umumta’lim muassasalari rahbar xodimlari quyidagi mehnatga haq to‘lashning eng kam miqdorida rag‘batlantiriladi:

o‘quvchilarining 90 foizi va undan ortiq qismi oliy hamda professional ta’lim tashkilotlariga o‘qishga qabul qilingan va (yoki) ishga joylashgan umumta’lim muassasalarining direktorlari — 12 baravar, direktori o‘rinbosarlari — 6 baravardan;

o‘quvchilarining 85 — 89 foiz qismi oliy hamda professional ta’lim tashkilotlariga o‘qishga qabul qilingan va (yoki) ishga joylashgan umumta’lim muassasalarining direktorlari — 9 baravar, direktor o‘rinbosarlari — 4,5 baravardan;

o‘quvchilarining 80 — 84 foiz qismi oliy hamda professional ta’lim tashkilotlariga o‘qishga qabul qilingan va (yoki) ishga joylashgan umumta’lim muassasalarining direktorlari — 6 baravar, direktor o‘rinbosarlari — 3 baravardan.

Ushbu pul mukofotlarini tayinlash tuman (shahar) xalq ta’limi bo‘limlarining murojaatiga ko‘ra hududiy xalq ta’limi boshqarmalarining tegishli buyrug‘i asosida amalga oshiriladi.

Bunda:

o‘quvchilarning umumiy sonini hisoblaganda, muddatli harbiy xizmatni o‘tayotgan o‘quvchilar hisobga olinmaydi;

umumta’lim muassasalari bitiruvchilarining ishga joylashish ko‘rsatkichlari ular maktabni tamomlagan vaqtdan boshlab joriy yil yakuniga qadar bo‘lgan davrda 3 oydan ortiq vaqt davomida faoliyat yuritgan hollarda shaxsiy jamg‘arib boriladigan pensiya tizimi yoki “Yagona milliy mehnat tizimi” ma’lumotlari asosida shakllantiriladi;


oliy hamda professional ta’lim tashkilotlariga o‘qishga qabul qilingan o‘quvchilar soni yuqorida ko’rsatilgan foiz qismining kamida uchdan bir qismini tashkil etishi lozim;


Asos: Vazirlar Mahkamasining 2020-yil 31-dekabrdagi 831-son qarori


“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-11 19:11:30 АТТЕСТАЦИЯДАН ЎТА ОЛМАГАН ХОДИМ БИЛАН МЕҲНАТ ШАРТНОМАСИ ҚАЙ ТАРТИБДА БЕКОР ҚИЛИНАДИ?

Yurist Xizmati 3523-савол:

Ассалому алейкум укитувчилар тоифа аттестациядан мутахасисликга мувофик эмас деб топилганда мехнат шартномаси Кай тарзда бекор килинади. Саволимнинг жавобини кутиб коламан

ЮРИСТ ЖАВОБИ:

Вазирлар Маҳкамасининг 2021 йил 17 сентабрдаги 572-сон қарорига 1-илова билан тасдиқланган “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом 44-бандига кўра мутахассис (олий маълумотли ўқитувчи) лавозимидаги педагог кадрлар навбатдаги мажбурий аттестациядан ўта олмаган тақдирда, иш берувчи ходимнинг малакаси етарли бўлмаганлиги сабабли у билан тузилган меҳнат шартномасини меҳнат тўғрисидаги қонунчилик ҳужжатларида белгиланган тартибда бекор қилиш ҳуқуқига эга.

Бундай ҳолатда ходим билан тузилган меҳнат шартномаси Меҳнат кодекси 100-моддаси иккинчи қисми 2-банди билан (малакаси етарли бўлмагани учун) бекор қилинади.

Бунда бир қатор талабларга риоя қилиши шарт. Жумладан:

Ходим унинг меҳнат шартномаси бекор қилинаётгани ҳақида МК 102-моддасига мувофиқ 2 ҳафта олдин ёзма равишда огоҳлантирилиши керак.

Огоҳлантириш муддати тугагач ходимни ишдан бўшатиш ҳақида касаба уюшмасининг розилигини олиш талаб этилади (МК 101-м). Мактабларда касаба уюшмасининг розилигини олиш кераклиги уларнинг жамоа шартномасида белгилаб берилган. (Пед кенгашнинг розилиги эмас)

Касаба уюшмасининг ижобий хулосаси олинган тақдирда, директор МК 107-моддага мувофиқ буйруқ чиқариши шарт. Бу буйруқнинг бир нусхаси ходимга тилхат олган ҳолда топширилади.

Буйруқнинг бир нусхаси ва МК 108-моддасига мувофиқ унга меҳнат дафтарчаси ходимга ишдан бўшатилган куннинг ўзида топширилади ёки топшириш чораси кўрилади.

Ходимга унинг ўртача ойлик иш ҳақидан кам бўлмаган миқдорда ишдан бўшатиш нафақаси тўланади, ходим ўзининг меҳнат вазифаларини бажармаганлиги сабабли шартноманинг бекор қилиниши бундан мустасно (МК 109-м).

Юқоридаги кодекс 110-моддасига мувофиқ меҳнат шартномаси иш берувчининг ташаббуси билан бекор қилинганда ходимга тегишли иш ҳақи, унинг миқдори хусусида низо бўлмаса:
1) меҳнат шартномаси бекор қилинган кунга қадар ишлаётган ходимга, — меҳнат шартномаси бекор қилинган куни;
2) меҳнат шартномаси бекор қилинган куни ишламаётган ходимга, — у ҳисоб-китоб қилишни талаб этган куни тўланиши керак.

Агар юқоридаги талаблардан бирортаси бузилган ҳолда ходим ишдан бўшатилган бўлса, унда ходим ғайриқонуний равишда ишдан бўшатилган деб топилади ва фуқаролик суди орқали ишга тикланади. Шунинг учун сиз ҳам фуқаролик судига мурожаат қилишингиз мумкин.


“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash

2022-08-11 11:35:41 2022-2023 o`quv yili uchun kalendar

“Ziyoli Pedagog” kanaliga obuna bo‘ling:
https://t.me/ziyolipedagog Ochish/sharhlash